वाईसीएनसीमा नयाँ सञ्चालक समिति गठन - बजार - कान्तिपुर समाचार
कान्तिपुर वेबसाईट
AdvertisementAdvertisement

वाईसीएनसीमा नयाँ सञ्चालक समिति गठन 

कान्तिपुर संवाददाता

काठमाडौँ — युथ कम्युनिटी फर नेप्लिज कन्ट्रयाक्टर्स (वाईसीएनसी)मा नयाँ सञ्चालक समिति गठन भएको छ ।  निर्माण क्षेत्रमा सुधार र परिवर्तन गर्ने उद्देश्यले सन् २०१४ मा स्थापित यस संस्थाको ८ औं वार्षिक साधारणसभाले सुशीलकुमार श्रेष्ठको अध्यक्षतामा १४ सदस्यीय सञ्चालक समिति छनोट गरेको हो । 

सञ्चालक समितिको प्रथम उपाध्यक्षमा वसन्तबहादुर चन्द, द्धित्तीय उपाध्यक्षमा राजु फुयाँल र तृतीय उपाध्यक्षमा भीमबहादुर पल निर्वाचित भएका छन् । महासचिवमा दीपकराज जोशी, कोषाध्यक्षमा निर्माण गौली निर्वाचित भएका छन् । कार्यकारी सदस्यहरुमा रामजी पन्त, सन्तोष शाह, शौरभ शर्मा, करुण श्रेष्ठ, अजान दाहाल, परितोष गुप्ता, आभुषण ज्योति कंसकार, राजेन्द्र महतारा निर्वाचित भएका छन् । वाईसीएनसीले निर्माण क्षेत्रसँग सम्बन्धित विभिन्न गाेष्ठि, एक्स्पो आयोजना गर्दै आएको छ ।


प्रकाशित : श्रावण २३, २०७९ १३:४८
प्रतिक्रिया
पठाउनुहोस्

चुनावी तालमेल स्वभाविक हुनुपर्ने कांग्रेस नेताहरूको सुझाव

कान्तिपुर संवाददाता

काठमाडौँ — नेपाली कांग्रेसका नेताहरूले मंसिरमा हुने प्रतिनिधिसभाको निर्वाचनमा स्वभाविक चुनावी तालमेल गरेर अघि बढ्नुपर्ने बताएका छन् । सोमबार बालुवाटारमा बसेको बैठकमा सहभागी नेताहरूले गठबन्धनका उम्मेदवार विजयी हुने कुरालाई केन्द्रमा राखेर व्यावहारिक‚ वैज्ञानिक र स्वभाविक प्रकृतिको चुनावी तालमेल गर्नुपर्ने बताएका हुन् ।

पार्टी सभापति एवं प्रधानमन्त्री शेरबहादुर देउवाले आगामी निर्वाचनमा गठबन्धनमा आबद्ध दलहरूसँग सिट बाँडफाँटको विषयमा पार्टी कसरी प्रस्तुत हुने भन्ने विषयमा बैठक बोलाएका थिए ।

व्यवहारिक‚ वैज्ञानिक र स्वभाविक प्रकृतिको चुनावी तालमेल गर्न र त्यसैको आधारमा सिट बाँडफाँट गर्न नेताहरूले गठबन्धनमा सिट बाँडफाँट गर्न बनेको कार्यदललाई सुझाव दिएका हुन् ।

‘गठबन्धन गरौं तर त्यसले पार्टीभित्रको आन्तरिक एकतामा कुनै पनि किसिमको असर नपारोस्; त्यसमा बढी जोड दिएर जाऔं । अस्वभाविक देखिने गठबन्धन नगरौं । सबैलाई न्याय हुनेगरी गठनबन्धन गरौं‚’ उपसभापति विमलेन्द्र निधिले भने ।

त्यस्तै बैठकमा पार्टीका पूर्वउपसभापति विजयकुमार गच्छदारले थारु समुदायका माग र मुद्दालाई सम्बोधन गर्दै अघि बढ्नुपर्ने बताए । निर्वाचनमा उम्मेदवारको निर्क्यौल गर्दा थारु समुदायबाट यथाशक्य धेरै उम्मेदवार छनोट गरेर अघि बढ्नुपर्ने बताए ।

यसैगरी सहमहान्त्री उमाकान्त चौधरी र महेन्द्र यादवले मधेसमा कम सिट लिने गरी गठबन्धन नगर्न सुझाव दिएका छन् । यसअघिको निर्वाचन भन्दा यो निर्वाचनमा कांग्रेसको उपस्थिति धेरै देखिनुपर्नेमा उनीहरूले जोड दिए ।

आजको बैठकमा पूर्वउपसभापति विमलेन्द्र निधि‚ गोपालमान श्रेष्ठ, विजयकुमार गच्छदार, प्रकाशमान सिंह, सहमहामन्त्रीहरू किशोरसिंह राठौर, भिष्मराज आङदेम्बे, जीवन परियार, महेन्द्र यादव, उमाकान्त चौधरीलगायतले आफ्नो धारणा राखेका थिए ।

प्रकाशित : श्रावण २३, २०७९ १३:४०
पूरा पढ्नुहोस्
प्रतिक्रिया
पठाउनुहोस्
x
×