मेघौली सेराईमा ‘मनसुन अफर’- बजार - कान्तिपुर समाचार

मेघौली सेराईमा ‘मनसुन अफर’

कान्तिपुर संवाददाता

काठमाडौँ — चितवनको मेघौलीमा रहेको ताज सफारी रिसोर्ट मेघौली सेराईले मनसुन अफर ल्याएको छ । ‘एक्सपेरियन्स मनसुन एट मेघौली सेराई— अ ताज सफारी रिसोर्ट’ अफरअन्तर्गत रिसोर्टमा आउने पाहुनाले विशेष छुट पाउनेछन् । 

विश्व संम्पदा सूचीमा रहेको चितवन राष्ट्रिय निकुञ्जसँगै राप्ती नदी किनारमा अवस्थित मेघौली सेराई स्थानीय थारु कला–संस्कृतिको प्रवर्द्धन गर्ने जंगल सफारी रिसोर्ट हो । प्रकृतिको मनोरम दृश्यावलोकनका साथै स्थानीय थारु कला, संस्कृति र स्वादमा स्वदेशी र विदेशी पाहुना रमाउन मेघौली सेराई आउने रिसोर्टले जनाएको छ । मनसुन अफरअन्तर्गत खाना एवं पेय पदार्थ र जंगल सफारीमा १० प्रतिशत छुट दिइएको छ । स्पामा भने १५ प्रतिशतको छुट घोषणा गरिएको रिसोर्टको भनाइ छ ।

यस अफरअन्तर्गत ब्रेकफास्ट, लन्च, डिनर, मुख्य इन्फिनिटी पुल, जिम, योग कोठालगायतका सुविधा पनि आगन्तुकले प्राप्त गर्नेछन् । रिसोर्टका हरेक भिल्लामा एउटा निजी प्लन्ज पुल (सानो स्विमिङ पुल) छ । यस भिल्लामा एक रातको प्याकेजमा एक जोडीलाई नियमित मूल्यमा २० हजार रुपैयाँसम्म छुट दिइएको पनि रिसोर्टले जनाएको छ । छुटपछिको मूल्य २९ हजार ९ सय ९९ रुपैयाँ छ । प्याकेजमा दुई जनाका लागि ब्रेकफास्ट, लन्च र डिनर पनि यसै प्याकेजमा उपलब्ध हुनेछ ।


प्रकाशित : श्रावण २२, २०७९ २१:०२
प्रतिक्रिया
पठाउनुहोस्

पोखरा अन्तर्राष्ट्रिय विमानस्थल पुस १७ गते उद्घाटन हुने

कान्तिपुर संवाददाता

काठमाडौँ — २२ अर्ब रुपैयाँ चिनियाँ ऋणमा निर्माणाधीन पोखरा अन्तर्राष्ट्रिय विमानस्थल आगामी पुस १७ गते (जनवरी १ तारिख) मा उद्घाटन हुने भएको छ ।संस्कृति, पर्यटन तथा नागरिक उड्डयनमन्त्री जीवनराम श्रेष्ठको अध्यक्षतामा आइतबार बबरमहलमा बसेको नेपाल नागरिक उड्डयन प्राधिकरणको संचालक समिति बैठकले पुस १७ गते पोखरा अन्तर्राष्ट्रिय विमानस्थल उद्घाटन गर्ने निर्णय गरेको प्रवक्ता जगन्नाथ निरौलाले कान्तिपुरलाई बताए ।

ठेकेदार कम्पनी चाइना सीएएमसी इन्जिनियरिङले ९८ प्रतिशत भौतिक काम सकिसकेको जनाइएको छ । ‘अब २ प्रतिशत काम भनेको उडान परीक्षण (क्यालिब्रेसन) लगायतका स–साना काममात्रै बाँकी छन,’ प्रवक्ता निरौलाले भने ।

यो परियोजनामा ०७४ कात्तिकदेखि ठेकेदार कम्पनीले विमानस्थल निर्माण सुरु गरेको थियो । पोखरा विमानस्थल बनाउन नेपाल सरकारले चीनको एक्जिम बैंकबाट ऋण लिएको हो । कोभिडका कारण पछिल्लोपटक २०२२ को डिसेम्बरसम्म ठेकेदार कम्पनीलाई समयसीमा तोकिएको छ । तर, उसले दुई महिनाअघि नै विमानस्थल नेपाल सरकारलाई हस्तान्तरण गर्ने तयारी भइरहेको छ ।

विमानस्थल हस्तान्तरण भइसकेपछि प्राधिकरणले क्यालिब्रेसन उडान गर्ने जनाएको छ ।

प्रकाशित : श्रावण २२, २०७९ २०:५०
पूरा पढ्नुहोस्
प्रतिक्रिया
पठाउनुहोस्
x
×