लेखापरीक्षकहरू स्वनियमनमा बस्नुपर्ने महालेखापरीक्षकको भनाइ

काठमाडौंमा भएको कार्यक्रममा नेपाल उद्योग वाणिज्य महासंघका वरिष्ठ उपाध्यक्ष चन्द्र प्रसाद ढकालले एनएफआरएस फर एसमईजको सीमा परिवर्तन गरी कम्तीमा ५० करोड हुनुपर्ने बताएका थिए । अडानका अध्यक्ष केदारनाथ पौडेलले चाहिँ सबै सदस्यको हकहित र चुनौतिका सम्बन्धमा संस्था प्रतिबद्ध रहेको बताएका थिए । कार्यक्रममा नेपाल लेखामान, मौद्रिक नीति, कर तथा कर विवरणमा भएका हालैका परिवर्तन सम्बन्धि छलफल गरिएको थियो ।

नेपाल लेखामान शेसनमा चार्टर्ड एकाउन्टेन्टद्वय अरुण राउत र प्रविण बरालले कार्यपत्र प्रस्तुत गरेका थिए । एनएफआरएसबारे जनचेतना नपुगेको, समन्वय नभएको, लागु गर्न खर्च बढी लाग्ने भएको र हालको एसएमई, एमईको सीमामा पुनः विचार हुनुपर्ने बताईएको थियो । अडानका संस्थापक अध्यक्ष कमल खरेललाई उनको योगदानको कदर गर्दै सम्मान गरिएको थियो । महालेखापरीक्षक शर्मा (दङ्गाल) लगायतले ‘अडान अर्थमाला’ विमोचन गरेका थिए । ‘अडान डे’ का अवसरमा उपत्यका समन्वय समितिले आयोजना गरेको रक्तदानमा झण्डै एक सयजनाले रक्तदान गरेका थिए ।