सामसङले नेपालमा थाल्यो ग्यालेक्सी एफ-१३ काे बिक्री- बजार - कान्तिपुर समाचार
कान्तिपुर वेबसाईट
AdvertisementAdvertisement

सामसङले नेपालमा थाल्यो ग्यालेक्सी एफ-१३ काे बिक्री

कान्तिपुर संवाददाता

काठमाडौँ — सामसङले नेपालमा ग्यालेक्सी एफ १३ को बिक्री वितरण थालेको छ । ग्यालेक्सी एफ श्रृङ्खलाको यो पछिल्लो फोन ग्राहकको रोजाइमा पर्ने कम्पनीको दावी छ । 

फुल एचडी प्लस डिस्प्ले र ६००० एमएएच पावरको ब्याट्री फोनमा रहेको सामसङ नेपालका निर्देशक प्रणयरत्न स्थापितले बताए । ब्याट्री दिनभर चल्ने र १५ वाटको तीव्र चार्ज हुने उनले बताए । यसमा ८ जीबीसम्मको र्‍याम छ । अक्टा–कोर एक्जीनस ८५० प्रोसेसरबाट संचालित यसको भण्डारण क्षमता थप मेमोरी कार्डको साथमा १ टीबीसम्म बढाउन सकिने सामसङले जनाएको छ । ५० एमपी रियर क्यामरा यसमा छ । ट्रिपल क्यामेरा रहेको यसको अल्ट्रा वाइड क्यामराको सहयोगले १२३ डिग्रीको दृष्य कैद गर्न सकिन्छ । यसमा ८ एमभीको अग्र क्यामरा पनि छ । वाटरफल ब्लु, सनराइज कप्पर र नाइटस्काई ग्रीन कलरमा फोन उपलब्ध छन् । यसको मूल्य भेरियन्ट ४+१२८ जीबीका लागि २३ हजार ९९९ रुपैयाँ तोकिएको छ ।


प्रकाशित : असार २१, २०७९ १७:५९
प्रतिक्रिया
पठाउनुहोस्

नागरिकता विधेयक फिर्ता लिने मन्त्रिपरिषद्‌को निर्णय 

कान्तिपुर संवाददाता

काठमाडौँ — सरकारले प्रतिनिधिसभामा रहेको नागरिकता विधेयक फिर्ता लिने निर्णय गरेको छ । मन्त्रिपरिषद्को मंगलबार बसेको बेठकले नागरिकता विधेयक फिर्ता लिने निर्णय गरेको हो । 

फाइल तस्बिर : रासस ।

प्रतिनिधिसभामा विचाराधीन नेपाल नागरिकता ऐन, २०६३ लाई संशोधन गर्न बनेको विधेयक फिर्ता लिने निर्णय भएको एक मन्त्रीले जानकारी दिए । तत्कालीन केपी शर्मा ओली नेतृत्वको सरकारले २०७५ साउन २२ मा प्रतिनिधिसभामा नागरिकता विधेयक दर्ता गरेको थियो । विधेयकमाथि प्रतिनिधिसभाको राज्यव्यवस्था तथा सुशासन समितिले झन्डै २ वर्ष दफावार छलफल गरी प्रतिवेदन प्रतिनिधिसभामा पेस गरेको थियो । प्रतिवेदन प्रतिनिधिसभामा विचाराधीन रहेको अवस्थामा सरकारले विधेयक नै फिर्ता लिने निर्णय लिएको हो ।

सत्तारुढ गठबन्धनमा रहेका सबै राजनीतिक दलहरूबीच सहमति भएपछि नागरिकता विधेयक फिर्ता लिने निर्णय भएको ती मन्त्रीले जानकारी दिए । विधेयक बुधबार बस्ने प्रतिनिधिसभा बैठकबाट फिर्ता लिने तयारी सरकारको छ । नागरिकता विधेयक फिर्ता भएसँगै उक्त विधेयकमा राज्यले गरेको लगानी र समय खेर गएको संसद् सचिवालयका अधिकारीले बताएका छन् ।

प्रकाशित : असार २१, २०७९ १७:४९
पूरा पढ्नुहोस्
प्रतिक्रिया
पठाउनुहोस्
×