विद्युतीय गाडी 'अल न्यू ई ६'मा उपहार योजना- बजार - कान्तिपुर समाचार
कान्तिपुर वेबसाईट
AdvertisementAdvertisement

विद्युतीय गाडी 'अल न्यू ई ६'मा उपहार योजना

कान्तिपुर संवाददाता

काठमाडौँ — बीवाईडी अटो इन्डष्ट्री कम्पनीको आधिकारिक वितरक साइमेक्स इन्क प्रालिले ‘फिस्कल इयर एन्ड अफर’ ल्याएको छ । यस्तो उपहार योजना यसअघि कुनै पनि विद्युतीय गाडीमा नरहेको र यो नै पहिलो रहेको साइमेक्सले दाबी गरेको छ । कम्पनीका अनुसार उपहार योजना बीवाईडी अल न्यू ई ६ मा लागू हुनेछ । 

परिवर्तनकारी ब्लेड ब्याट्रीको सुविधा यस गाडीमा छ । कम्पनीको उपहार योजनामा विभिन्न गिफ्ट ह्याम्पर, क्यास डिस्काउन्ट एण्ड एक्सचेन्ज बोनस र आगामी आर्थिक वर्षको लागि फ्री रोड ट्याक्स पाइने छ । फ्री रोड ट्याक्स पहिले कहिल्यै पनि नेपाली बजारमा कुनै विद्युतीय गाडीले नदिएको साइमेक्सकाे दाबी छ । यो योजना आर्थिक वर्ष २०७८–७९ सम्म मात्रै लागू हुने कम्पनीले जनाएको छ । साइमेक्सले विद्युतीय गाडीलाई प्रोत्साहन गर्न थुप्रै अफरहरु ल्याउँदै आएको छ ।


प्रकाशित : असार २१, २०७९ १५:१७
प्रतिक्रिया
पठाउनुहोस्

सेयर बजार २०३० अंकमा ओर्लियो, सबै सूचकमा गिरावट 

कान्तिपुर संवाददाता

काठमाडौँ — मंगलबार सेयर बजारको परिसूचक नेप्से २०३० अंकमा ओर्लिको छ । कारोबारको आधा समय उतारचढाव रहेको बजार १ बजेपछि ओरालो लाग्यो । २ अर्ब ९६ करोड रुपैयाँको कारोबार भयो । यसअघि सोमबार ४ अर्ब नाघेको थियो ।

सबै सूचकहरु राताम्मे भएका छन् । बैंकिङ १७, विकास बैंक १००, फाइनान्स ५६, होटल तथा पर्यटन ७८, जलविद्युत् ५२, लगानी २, जीवन बीमा २१५, उत्पादन १४५, माइक्रोफाइनान्स ११३, निर्जीवन बीमा २३९, अन्य ६० र ब्यापार उपसमूह ८५ अंक घटे ।

कुल १७ कम्पनीको मूल्य बढ्दा १७५ को घट्यो भने १ को स्थिर रह्यो । सीवाईसी लघुवित्त र ङादी ग्रुप पावरको मूल्य १० प्रतिशत बढ्यो । आँधिखोला लघुवित्तको ९.६, स्वाभिमान लघुवित्तको ८.१ र युनियन हाइड्रोपावरको मूल्य ५.३ प्रतिशत बढ्यो । घलेम्दी हाइड्रोको मूल्य सबैभन्दा धेरै ६.६ प्रतिशत घट्यो । कारोबार रकमका आधारमा सानिमा बैंक (संस्थापक), अरुणकाबेली, शिवम् सिमेन्ट, हिमालयन डिस्टिलरी र माथिल्लो तामाकोसी क्रमश: अगाडि रहे ।


प्रकाशित : असार २१, २०७९ १५:१०
पूरा पढ्नुहोस्
प्रतिक्रिया
पठाउनुहोस्
×