ईसेवाको अफर : बीमा शुल्क भुक्तानी गर्दा दुई सय रूपैयाँ क्यासब्याक - बजार - कान्तिपुर समाचार
कान्तिपुर वेबसाईट
AdvertisementAdvertisement

ईसेवाको अफर : बीमा शुल्क भुक्तानी गर्दा दुई सय रूपैयाँ क्यासब्याक 

कान्तिपुर संवाददाता

काठमाडौँ — भुक्तानी सेवा प्रदायक ईसेवाले मंगलबार परेको अन्तर्राष्ट्रिय बीमा जागरूकता दिवसका अवसरमा विशेष अफर सार्वजनिक गरेको छ । यस अफरअन्तर्गत मंगलबार (अन्तर्राष्ट्रिय बीमा जागरूकता दिवस) का दिनमा दिउँसो १२ बजेदेखि २ बजेसम्म ईसेवामार्फत जीवनबीमाको बीमाशुल्क भुक्तानी गर्दा २०० रुपैयाँ क्यासब्याक प्राप्त गर्न सकिनेछ ।

यसैगरी जीवन बीमा कम्पनीमा गई सोही दिन क्यूआर मार्फत भुक्तानी गर्दा पनि सोही क्यासब्याक पाउन सकिनेछ । यसरी ईसेवामार्फत भुक्तानी गर्दा कम्पनीले सञ्चालन गरिरहेको लखपति योजनामा समेत सहभागी हुन सकिनेछ । इसेवाले घरमै बसेर बीमा शुल्क भुक्तानी गर्न प्रोत्साहन मिलोस् भन्ने उद्देश्यले बीमितहरूका लागि लखपति योजना सञ्चालन गरिरहेको छ ।

भदौ ५ गतेसम्म सञ्चालन हुने यस योजनामा ईसेवाबाट कुनैपनि जीवन बीमा कम्पनीको बीमा शुल्क भुक्तानी गर्ने व्यक्तिमध्येबाट बम्पर उपहारमा एक जनाले एक लाख रुपैयाँ उपहार पाउने छन् । यस्तै उपहार बिजेता बीमितको बीमा एजेन्ट र सोही एजेन्टको शाखा कार्यालयले पनि २०/२० हजार नगद उपहार प्राप्त गर्नेछन् । यसैगरी योजना सञ्चालन अवधिभर बीमा शुल्क भुक्तानी गर्नेहरु मध्येबाट हरेक दिन एक जनाले गोलाप्रथा मार्फत एक हजार रुपैयाँ प्राप्त गर्ने छन् । यो योजना नेपालमा सञ्चालिन सबै बीमा कम्पनीको शुल्क भुक्तानी गर्दा लागू हुनेछ ।


प्रकाशित : असार १३, २०७९ १७:३०
प्रतिक्रिया
पठाउनुहोस्

असावधानीवश् किटनासक विषादी सेवन गर्दा बालिकाको मृत्यु

विप्लव महर्जन

सल्यान — मकैमा छर्नका लागि किनेर ल्याइएको किटनासक विषादी सेवन गर्दा सल्यानमा ३ वर्षीया बालिकाको मृत्यु भएको छ ।

शारदा नगरपालिका ९ मेलटाकुरा घर भएकी पार्वती बोहराकी छोरी बिमला बोहराले खेल्ने क्रममा असावधानीवश विषादी सेवन गरेकी थिइन् ।

विषादी सेवनपछि बेहोस भएकी बालिका बोहरालाई आमा पार्वतीले उपचारका लागि जिल्ला अस्पताल सल्यानमा ल्याएको र उपचारकै क्रममा मृत्यु भएको जिल्ला प्रहरी कार्यालय सल्यानका प्रहरी नायब उपरीक्षक सुमित खड्काले बताए ।

खड्काका अनुसार पार्वती बोहराले केही दिनअघि मात्रै मकैमा छर्न किटनासक विषादी किनेर ल्याएकी थिइन् । बाबुआमा खेतबारीमा काम गर्न गएको समयममा छिमेकी तथा निज बालिकाकै काकी विष्णु बोहराको ३ वर्षीय छोरा सन्दिप बोहरासँग घरकै बार्दलीमा खेल्ने क्रममा थाहा नपाएर विषादी सेवन गरेकी थिइन् ।

प्रकाशित : असार १३, २०७९ १७:१०
पूरा पढ्नुहोस्
प्रतिक्रिया
पठाउनुहोस्
×