महालक्ष्मी विकास बैंकका ग्राहकलाई अन्नपूर्ण केबुलकारमा छुट
काठमाडौँ — महालक्ष्मी विकास बैंक र अन्नपूर्ण केबुलकारबीच छुट सम्बन्धी सम्झौता भएको छ । उक्त सम्झौतापश्चात यस बैंकको डेबिट कार्ड, क्युआर (स्क्यान पे), महालक्ष्मी मोबाइल बैंकिङमार्फत भुक्तानी गर्ने ग्राहकले केबुलकार सेवामा आकर्षक छुट पाउने छन् । यस किसिमको सहकार्यबाट बैंकका ग्राहक लाभान्वित हुने बैंकको भनाइ छ ।
२८ औं वर्षमा प्रवेश गरेको बैंकले ग्राहकको सन्तुष्टि र संस्थागत सुशासनलाई आगामी दिनमा पनि अनुशरण गर्दै सरल, सहज र विश्वसनीय बैकिङ्ग सेवा पुर्याउने प्रतिबद्धता जनाएको छ । बैंकले प्रदेश नम्बर १ मा ५, मधेश प्रदेशमा १५, वाग्मतीमा ३७, गण्डकीमा ९, लुम्बिनीमा १८, कर्णालीमा २ र सुदूरपश्चिम प्रदेशमा १७ वटा गरी कुल १०३ वटा शाखाहरु संचालनमा ल्याएको छ ।
प्रतिक्रिया