मदिरा ब्राण्ड ८८४८ भोड्का र ओल्ड दरबारले जिते गोल्ड मेडल

एसएफडब्लुएससीका अनुसार यो प्रतिस्पर्धामा गोल्ड मेडल प्राप्त गर्नुको अर्थ उपलब्धिको उच्चतम बिन्दु नजिकै पुगेको असाधारण मदिरा भन्ने हुन्छ । डबल गोल्डको अर्थ विश्वका अतिउत्तम उत्पादनमध्येको एक भन्ने हुन्छ । विजेता छनोटका लागि विश्वभरबाट जम्मा भएका ७० निर्णायकहरुले गत अप्रिलमा दुई हप्ता समय लगाएर ५ हजार कम्पनीका मदिाहरुको मूल्यांकन गरेका थिए । सन २००० देखि सुरु भएको सान फ्रान्सिस्को वर्ल्ड स्पिरिट कम्पिटिसन उत्तर अमेरिकाको सबैभन्दा पुरानो र ठूलो मदिरा प्रतिस्पर्धा हो । प्रतिस्पर्धाका सहभागीलाई पूर्वनिर्धारित मापदण्डका आधारमा कास्य, रजत, स्वर्ण, दोहोरो स्वर्ण र प्लेटिनम मेडल दिइने गरिन्छ ।