भायानेटको अफर : महिनाको ८ सयमा ७५ एमबीपीएस इन्टरनेट र भायाटीभी
काठमाडौँ — भायानेटले भायाटीभीसहित मिनी प्याकको नयाँ अफर ल्याएको छ । अब ग्राहकले महिनाको ८ सय रुपैयाँमा ७५ एमबीपीएसको इन्टरनेट प्याकेजसँगै नि:शुल्क भायाटीभी पाउने कम्पनीले जनाएको छ ।
सुपथ मूल्यमा गुणस्तरीय इन्टरनेट सेवा चाहने ग्राहकलाई लक्षित गरी भायानेटले यो मिनी प्याक उपलब्ध गराएको हो । यस अफरमार्फत ग्राहकहरूले उच्च गतिको इन्टरनेटको साथसाथै मनोरञ्जनात्मक च्यानलहरूको लाभ लिन सक्नेछन् । भायाटीभीमा १७५ भन्दा धेरै च्यानलहरू, चलचित्र र टेलीश्रृंखलाहरू हेर्न सकिने कम्पनीको दावी छ ।
यसअघि भायनेटले मिनी प्याकमा ७५ एमबीपीएस हाई स्पीड इन्टरनेट सहित नि:शुल्क एनसेल सिम र ४८ जीबी मोबाइल डाटा उपलब्ध गराएको थियो । ग्राहकले अझै पनि महिनाको ८ सय रुपैयाँमा यो अफर लिन सक्ने कम्पनीले जनाएको छ । यसबाहेक भायाटीभीको सेट–अप बक्समा ‘पज एन्ड प्ले’ को सुविधा छ, जसमार्फत प्रयोगकर्ताले लाइभ टीभी कार्यक्रमहरू पज गरी पछि हेर्ने फाइदा लिन सक्नेछन् ।
उच्च–गतिको इन्टरनेटको अन्य योजनाहरू अन्तर्गत, भायानेटले अल्ट्रा–फाई इन्टरनेट प्याकहरू पनि उपलब्ध गराई रहेको छ । अल्ट्रा–फाई प्याक को मुख्य विशेषता भनेको १७५ एमबीपीएस इन्टरनेट योजना हो, जसमा २ वटा भायाटीभी पनि उपलब्ध छन् । यसको शुल्क मात्र प्रतिमहिना १२५० रुपैयाा छ ।