संस्थापक सेयर किनबेच गर्न मेगा क्यापिटलले सहजीकरण गरिदिने
काठमाडौँ — मेगा क्यापिटल मार्केट्सले नेप्सेमा सूचीकृत बैंक तथा वित्तीय संस्था, बीमा कम्पनी, लघु वित्त, जलविद्युत तथा उत्पादनमूलक कम्पनीहरुको संस्थापक सेयरहरु खरिद(विक्रीका लागि सहजीकरण गरिदिने भएको छ ।
यसका लागि इच्छुक लगानीकर्ताले घरैमा बसी मेगा क्यापिटल मार्केट्सको फोन नम्वर ९८५१०६७५७८ वा इमेल इन्फो एटदरेट मेगाक्यापिटलमार्केटेस् डट् कम वा क्यापिटलको फेसबुकमा म्यासेन्जर मार्फत् म्यासेज पठाउन सक्नेछन । धेरै लगानीकर्ताहरुले प्रमोटर सेयर (संस्थापक सेयर) साधारणजस्तो दोस्रो बजारमा सजिलै बिक्री गर्न असमर्थता र असहजताले सेयर सम्पत्ति बन्धक भएका र आवश्यकता अनुसार बिक्री गर्न नसकेको गुनासो गर्ने गरेका छन् ।
आर्थिक आवश्यकता पुरा गर्न नसकेका बिक्रेता र लगानीको अवसर खोजिरहेका अन्य लगानीकर्ताहरु बीच किनबेच र सेयर हस्तान्तरणमा सहजीकरण सेवाको आवश्यकतालाई मनन् गर्दै क्यापिटलले नयाा सेवाको सुरुवात गरेको हो ।