'फोरजी एलटीई' नमस्ते वाइफाइ विस्तारका लागि टेलिकम र साइबरनेटिक्सबीच सम्झौता- बजार - कान्तिपुर समाचार
कान्तिपुर वेबसाईट
AdvertisementAdvertisement

'फोरजी एलटीई' नमस्ते वाइफाइ विस्तारका लागि टेलिकम र साइबरनेटिक्सबीच सम्झौता

कान्तिपुर संवाददाता

काठमाडौँ — एफटीटीएच उपलब्ध नभएका सुगम र अधिकांश दुर्गम स्थानमा द्रुत गतिको डाटा तथा भ्वाइस सेवा उपलब्ध गराउन नेपाल टेलिकमले फोरजी एलटीई नमस्ते वाइफाइ विस्तार गर्ने भएको छ ।

कम्पनीले फोरजी एलटीई नमस्ते वाइफाइ सेवाका विभिन्न आकर्षक प्याकेजहरु उपलब्ध गराइरहेको छ । कम्पनीले उपलब्ध गराइरहेका यी प्याकेजहरु आवश्यक डिभाइससहित ग्राहकलाई सहज रुपमा प्रदान गर्न साइबरनेटिक्स प्रालिसँग एक सम्झौता गरेको छ । बुधबार सम्पन्न सम्झौतामा कम्पनीका प्रमुख व्यावसायिक अधिकृत संगीता पहाडी र साइबरनेटिक्सका सीईओ जेम्स न्याछ्योले हस्ताक्षर गरे ।

फोरजी एलटीई नमस्ते वाइफाइमार्फत नेपाल टेलिकमले हाल व्यक्तिगत र सरकारी संस्थागत गरी दुई प्रकारका प्याकेजहरु उपलब्ध गराइरहेको छ । व्यक्तिगत प्याकअन्तर्गत होम ब्रोडव्यान्ड आधारित ८०० रुपैयाँमा ६० जीबी ३० दिनका लागि उपलब्ध छ । त्यसैगरी १ वर्षका लागि ९ हजार रुपैयाँमा ७२० जीबी प्याक उपलब्ध छ । यसलाई प्रतिमहिना ६० जीबीको दरले १२ महिनासम्म प्रयोग गर्न सकिन्छ । यी दुवैमा एड अन प्याकको रुपमा ४ सय रुपैयाँमा १५ दिनका लागि ६० जीबी प्याक लिन सकिन्छ ।

होम ब्रोडब्यान्ड प्रिमियम अन्तर्गत १ हजार २ सय रुपैयाँमा १२० जीबी प्याक ३० दिनको लागि उपलब्ध हुन्छ । त्यसैगरी १ वर्षका लागि १३ हजार ५ सय रुपैयाँमा १,४४० जीबी प्याक उपलब्ध हुन्छ । यसलाई प्रतिमहिना १२० जीबीको दरले १२ महिनासम्म प्रयोग गर्न सकिन्छ । यी दुवैमा एड अन प्याकको रुपमा ६ सय रुपैयाँमा १५ दिनका लागि १२० जीबी प्याक लिन सकिन्छ ।

सरकारी संस्थागत प्याकेजमा ३ हजार ६५० र २ हजार १०० रुपैयाँमा ३० दिनका लागि विभिन्न प्रकारका प्याकेजहरु उपलब्ध छन् । यी प्याकेजबाट अनलिमिटेड डाटा चलाउन सकिन्छ । वार्षिक र अर्धवार्षिक रुपमा एकमुष्ट प्याकेज लिने ग्राहकका लागि निश्चित छुटको समेत व्यवस्था गरिएको टेलिकमले जनाएको छ ।


प्रकाशित : माघ ६, २०७८ १७:४३
प्रतिक्रिया
पठाउनुहोस्

कृषि तथ्यांक अद्यावधि गर्न ‘सफ्टवेर’

अमृता अनमोल

बुटवल — गएको कात्तिक महिनामा आएको बेमौसमी वर्षाले धानबालीमा क्षती पुर्‍याएपछि यकीन विवरण नआएकाले क्षतीको मूल्यांकन गर्न कठिनाइ भयो । 

कृषि तथ्यांक अद्यावधि गर्न समस्या भएपछि संघीय कृषि तथा पशुपन्छी विकास मन्त्रालयले अहिले कृषि तथ्यांक अद्यावधि गर्न सफ्टवेर तयार गरेको छ । यससँगै उक्त सफ्टवेयरमा तथ्यांक अद्यावधि गर्न प्रदेशहरूमा अभिमुखीकरण कार्यक्रम सञ्चालन गरिरहेको छ ।

बिहीबार लुम्बिनी प्रदेशको कृषि निर्देशनालय र मन्त्रालयले रुपन्देहीमा कृषि प्राविधिकहरूलाई कृषि तथ्यांक अद्यावधिकसम्बन्धी अभिमुखीकरण गोष्ठी आयोजना गरेको छ । रुपन्देही, नवलपरासी र कपिलवस्तु जिल्लाका प्राविधिक त्यसमा सहभागी भएका छन् ।

प्राविधिकहरूले स्थानीय तहका कृषि अधिकारीलाई दुई दिन तथ्यांक अद्यावधि गर्न सिकाउने छन् । प्रदेश र संघीय कार्यालयहरूले अद्यावधि गरेको तथ्यांक सच्याउन मिल्ने बनाइएको छ । कृषि निर्देशनालयका सूचना अधिकारी राम पाण्डेले अब तथ्यांक अद्यावधि भएपछि कृषिका योजना निर्माण र त्यसको सुपरीवेक्षण गर्न तीनै तहका सरकारलाई टेवा पुग्ने बताए ।

‘संघीय संरचनामा जानुअघि जिल्लागत तथ्यांकमा एकरुपता थियो । तर अहिले स्थानीय तह, प्रदेश र संघको आपसी समन्वयको अभावमा तथ्यांकमा एकरुपता छैन‚’ लुम्बिनी प्रदेशको कृषि निर्देशनालयका प्रमुख यम नारायण देवकोटाले भने । हरेक सरकारले फरक फरक तथ्यांक सार्वजनिक गर्ने गरेका छन् । स्थानीय सरकारले प्रदेश र संघलाई तथ्यांक सच्चाउन सहयोग नगरेको उनीहरुको गुनासो छ । अब सफ्टवेयरको निर्माणपछि तथ्यांकमा एकरुपता आउने निर्देशनालय प्रमुख देवकोटाले बताए ।

मन्त्रालयले यसअघि गण्डकी, मधेश प्रदेश र प्रदेश १ मा तथ्यांक अद्यावधिबारे अभिमुखीकरण कार्यक्रम सञ्चालन गरिसकेको छ । अब बाँकी तीनवटा प्रदेशमा कार्यक्रम सञ्चालन गर्ने मन्त्रालयले जनाएको छ ।

प्रकाशित : माघ ६, २०७८ १७:४३
पूरा पढ्नुहोस्
प्रतिक्रिया
पठाउनुहोस्
×