एचडी आईपीएस डिस्प्लेमा एक्यूफिटको डब्लू ६ स्मार्टवाच सार्वजनिक- बजार - कान्तिपुर समाचार

एचडी आईपीएस डिस्प्लेमा एक्यूफिटको डब्लू ६ स्मार्टवाच सार्वजनिक

कान्तिपुर संवाददाता

काठमाडौँ — लामो समयदेखि प्रविधिमैत्री उत्पादनहरू बजारमा ल्याइरहेको टेक स्टुडियोले नयाँ ब्राण्डको स्मार्टवाच सार्वजनिक गरेको छ । कम्पनीले नेपालमा एक्यूफिट ब्राण्डको नयाँ स्मार्टवाच उपलब्ध गराएको हो । 

यस स्मार्टवाचमा संगीत नियन्त्रण, कल र सन्देश नोटिफिकेसन, रिमाइन्डर, सामाजिक मिडिया सूचना र क्यामरा नियन्त्रणलगायतका सुविधा रहेको कम्पनीले जनाएको छ । डब्लू ६ स्मार्ट वाचलाई आईपी ६८ रेटिङको साथ प्रमाणित गरिएको छ, यसको अर्थ यो पानी र धुलो प्रतिरोधी छ । पसिना र पौडी खेल्दा घडीलाई कुनै नोक्सान हुँदैन ।

कम्पनीका अनुसार एक्यूफिट डब्लू ६ ले स्वास्थ्य र फिटनेस लक्ष्यहरूमा मद्दत गर्न प्रयोगकर्ताहरूको कदम, मुटुको गति, अक्सिजन स्तर, निद्राको गुणस्तर, क्यालोरी बर्न, र अन्य विषयहरु सक्रिय रुपमा जाँच गर्न सहयोग गर्दछ । एक्यूफिट डब्लू ६ ले फुटबल, ब्याडमिन्टन, स्विमिङ, दौड, हाइकिङ, योग, साइकल चलाउने, लगायत अन्य १५ विभिन्न स्पोर्ट्स मोडहरू समावेश गर्दछ ।

स्मार्ट वाचले रियलटेकको नयाँ जेनरेशन चिपसेटद्वारा संचालित २०० एमएएच पावरके ब्याट्री प्रदान गरेको छ। यो दैनिक प्रयोगको साथ ७ देखि १० दिन र स्ट्यान्डबाइमा ३० दिनसम्म रहन्छ । यसले कम ऊर्जा खपत गर्ने र ब्लुटुथ ५‍.० का साथ उच्च कार्यसम्पादन प्रदान गर्ने बाह्य उपकरणहरू समावेश रहेको कम्पनीको भनाइ छ । नेपाली बजारमा एक्यूफिट डब्लू ६ स्मार्ट वाचको सुरुवाती अफर मूल्य ४ हजार ९९९ रुपैयाँ तोकिएको छ र यो नेपालभर उपलब्ध छ ।


प्रकाशित : माघ ३, २०७८ १६:०६
प्रतिक्रिया
पठाउनुहोस्

प्रदेश २ को राजधानी जनकपुरधाम

अजित तिवारी, सन्तोष सिंह

जनकपुर — प्रदेश २ को सोमबार बसेको बैठकबाट जनकपुरधामलाई प्रदेश राजधानीको रुपमा पारित गरिएको छ । प्रदेश सभाको बैठकमा उपस्थित ९९ सांसदमध्ये जनकपुर राजधानीका लागि ७८ मत खसेको थियो । १०४ सांसदमध्ये बाँकी सांसद भने उपस्थित थिएनन् ।

मतदानपछि सभामुख सरोज यादवले प्रदेश २ को राजधानी जनकपुरधाम भएको घोषणा गरेका हुन्। यससँगै लामो सदयदेखि सहमति हुन नसकेको प्रदेश २ को राजधानी टुंगो लागेको छ ।

सभामुख सरोज यादव नेतृत्वको संसदीय समितिले राजधानी जनकपुरसहित उत्तरपूर्वमा ढल्केवर–कमला हुँदै दक्षिणमा नेपालको सीमासम्म, वीरगन्ज महानगरपालिका र वीरगन्ज, सिमरा जितपुर, निजगढ हुँदै सिम्रौनगढसम्मको भूगोल समेटिएको प्रस्ताव गरेको थियो।

राजधानीमा जनकपुर सबै दलको साझा प्रस्ताव रहे पनि बारा–पर्साका सबै दलका सांसदहरूले छुट्टै प्रस्तावको रुपमा वीरगन्जको नाम अघि सारेका थिए । राजधानीको मतदान प्रक्रिया टुंगिएपछि प्रदेशको नाममा मतदान हुने बताइएको छ । प्रदेशनको नामको रुपमा मधेस, जानकी, मिथिला–भोजपुरा र मध्य मधेस प्रस्ताव गरिएको छ।

प्रदेशको नाम 'मधेस'मा जनता समाजवादी पार्टी, लोकतान्त्रिक समाजवादी पार्टी र माओवादी(केन्द्र)को साझा प्रस्ताव छ। 'जानकी' नाममा भने एमाले र नेकपा(एस) तथा मिथिला–भोजपुरा कांग्रेसको प्रस्ताव छ। यी सबै दलका बारा–पर्साका सांसदले भने प्रदेशको नाम 'मध्य मधेस' भनेर छुट्टै प्रस्ताव गरेका छन् ।

करिब डेढ वर्षअघि प्रदेश सभामा प्रदेशको नाम मधेस, जानकी र मिथिला–भोजपुरा तथा राजधानी जनकपुर वा वीरगन्ज भन्ने प्रस्तावमा मतदान हुँदा दुवै प्रस्तावलाई दुई तिहाइ मत नपुग्दा अस्वीकृत भएको थियो ।

प्रदेश २ को नाम र राजधानीमा दलीय अडान कायमै

प्रकाशित : माघ ३, २०७८ १५:५४
पूरा पढ्नुहोस्
प्रतिक्रिया
पठाउनुहोस्
×