नर्भिकले आइतबारदेखि कोभिड ओपीडी सुरु गर्ने- बजार - कान्तिपुर समाचार
कान्तिपुर वेबसाईट
AdvertisementAdvertisement

नर्भिकले आइतबारदेखि कोभिड ओपीडी सुरु गर्ने

कान्तिपुर संवाददाता

काठमाडौँ — देशभर कोरोना संक्रमितको संख्या ह्वात्तै बढेसँगै नर्भिक इन्टरनेशनल हस्पिटलले ‘कोभिड ओपीडी क्लिनिक सेवा’ संचालन गर्ने निर्णय गरेको छ । नर्भिकका प्रमुख कार्यकारी अधिकृत अजयकुमार मिश्रकाअनुसार अस्पतालमा आउने अन्य बिरामीहरुलाई हुनसक्ने संभावित संक्रमणबाट बचाउने उद्देश्यले अस्पतालले मुख्य भवनभन्दा केही पर अलग्गै स्थानमा ‘कोभिड ओपीडी सेवा’ संचालन गर्न लागेको हो । 

आइतबारदेखि नर्भिकको पार्किङ क्षेत्र नजिकै अलग्गै स्थानमा निर्मित भवनमा कोभिड ओपीडी सेवा संचालन हुनेछ । ओपीडीमा कोभिड भएका वा उस्तै लक्षण देखिएकालाई स्वास्थ्य समस्याको विषयमा गुणस्तरीय परामर्श सेवा दिइनेछ । छातीको फिजिसियनसहित विशेषज्ञहरुबाट परामर्श सेवा तथा अस्पताल भर्ना गर्नुपर्ने कोभिड संक्रमितहरुलाई त्यही रहेको कोभिड वार्ड तथा आइसियूमा राखी उपचार गरिने अस्पतालले जनाएको छ ।

यसअघि नर्भिक अस्पतालले कोभिड भइसकेकाहरुमा देखिने जटिल स्वास्थ्य समस्याको समयमै निराकरणमा सहयोग पुगोस् भन्ने उद्देश्यले ‘पोस्ट कोभिड प्याकेज’ कार्यान्वयनमा ल्याएको थियो ।


प्रकाशित : पुस ३०, २०७८ १८:५३
प्रतिक्रिया
पठाउनुहोस्

फ्रान्समा शिक्षक हड्तालपछि मास्क वितरणसहित थप कामदार खटाउने सरकारको प्रतिवद्धता

कान्तिपुर संवाददाता

पेरिस — फ्रान्सका शिक्षामन्त्रीले बिहीबारको राष्ट्रव्यापी शिक्षक हड्तालपछि सरकारले ५० लाख एफएफपी २ मास्क र तीन हजार तीन सय कामदारहरू करारमा उपलब्ध गराउने बाचा गरेका छन् ।

शिक्षामन्त्री जीन-मिशेल ब्लान्करले सरकारले शैक्षक युनियनहरूसँगको बैठकपछि स्वास्थ्य संकटका सबै चुनौतीहरूसँग लडाइँ गर्दागर्दै शिक्षकहरूको माग पूरा गर्ने बाचा गरेका हुन् ।

बिहीबार फ्रान्समा सरकारको कोरोना महामारी विरुद्धका नियम र असफल व्यवस्थापनको आरोप लगाउँदै शिक्षकहरू देशव्यापी हड्तालमा उत्रिएका थिए । बिहीबार साँझ नै प्रधानमन्त्री, शिक्षामन्त्री र शिक्षक संगठनका युनियनबीच वार्ता भएको थियो।

सरकारले कोभिड–१९ को संकट सम्बोधन गरेको नीतिगत निर्णयमा असन्तुष्टि जनाउँदै बिहीबार दसौं हजार शिक्षक तथा विद्यालय कर्मचारी हड्तालमा उत्रिएका हुन् ।

शिक्षकहरूले कोभिड सङ्क्रमित भएका विद्यार्थीहरूलाई हप्तामा तीन पटक कोरोना परीक्षण गराउने सरकारको नीति लागू नहुने बताएका छन् । शिक्षामन्त्री ब्लान्करले बिहीबार राति ढिलो गरी सरकारले शिक्षकहरूका लागि आवश्यक ५० लाख एफएफपी २ मास्कहरू उपलब्ध गराउने बाचा गरेका हुन् ।

स्वास्थ्य संकटका कारण प्राथमिक विद्यालयका विद्यार्थीहरूको लागि आगामी मूल्याङ्कन अर्को हप्ता हुने र हाइस्कूलका विद्यार्थीहरूको लागि सरकारले मार्चमा गर्ने परीक्षा ढिला गर्ने कि नगर्ने भनेर सम्बन्धित पक्षसँग परामर्श गर्ने सहमतिसमेत गरेको छ ।

प्रकाशित : पुस ३०, २०७८ १८:४८
पूरा पढ्नुहोस्
प्रतिक्रिया
पठाउनुहोस्
x
×