अब नबिलको मोबाइल बैंकिङबाट ‘खल्ती’ मा पैसा राख्न सकिने- बजार - कान्तिपुर समाचार

अब नबिलको मोबाइल बैंकिङबाट ‘खल्ती’ मा पैसा राख्न सकिने

कान्तिपुर संवाददाता

काठमाडौँ — अनलाइन भुक्तानी सेवा प्रदायक कम्पनी ‘खल्ती’ ले नबिल बैंकसँग सम्झौता गरेको छ । जसअनुसार नबिल बैंकका ग्राहकले नबिल स्मार्ट बैंक (मोबाइल बैंकिङ एप) मार्फत् खल्तीमा पैसा लोड गर्न सक्ने भएका छन् ।

खल्तीका प्रमुख कार्यकारी अधिकृत विनय खड्काले बैंक तथा वालेटको यो सम्झौता डिजिटल नेपालका लागि एउटा कोसेढुंगा सावित हुने बताए । नबिल बैंकका प्रमुख कार्यकारी अधिकृत अनिल केशरी शाहले बैंकका ग्राहकलाई डिजिटल भुक्तानी सेवामा थप सहजता दिन खल्तीसँग सहकार्य गरिएको बताए ।

‘खल्ती’, नेपाली फिनटेक उद्योगमा एक नविन पहिचान बोकेको ब्रान्ड हो । खल्ती डिजिटल वालेटबाट मोबाइल र टिभी रिचार्ज, चलचित्रको टिकट बुकिङ, बीमा प्रिमियम तथा अनलाइन सपिङ्ग साइटमा भुक्तानी गर्न सकिन्छ । यसका साथै विभिन्न क्यासब्याक तथा छुट प्रदान गरी प्रयोगकर्ताको बचतमा पनि ‘खल्ती’ ले योगदान दिँदै आएको छ ।


प्रकाशित : पुस १२, २०७८ १६:१८
प्रतिक्रिया
पठाउनुहोस्

सातदोबाटोलाई हराएपछि जावलाखेलको तनाव कम

कान्तिपुर संवाददाता

काठमाडौँ — सहिद स्मारक लिग ए डिभिजन ०७८ मा जावलाखेलले सोमबार लगातार दोस्रो जित निकालेको छ । यसक्रमा उसमाथि रहेको रेलिगेसनको तनाव लगभग हटेको छ । सुरुका तीन खेल गुमाएर कमजोर सुरुआत लिएको जावलाखेलले पछिल्ला तीन खेलमा ७ अंक बटुलेको छ ।

दशरथ रंगशालामा भएको दिनको एक मात्र खेलमा जावलाखेलले ललितपुर डर्बीमा सातदोबाटोलाई २–० ले हरायो । उसका लागि विपिन कँडेल र निकोलस फर्नान्डेजले एक/एक गोल गरे । गोलरहित पहिलो हाफपछि सब्टिच्युट विपिनले ५० औं मिनेटमा पहिलो गोल गरे । निकोलसले ७० औं मिनेटमा दोस्रो गोल थपे ।

यो जितपछि जावलाखेललको ६ खेलबाट ७ अंक भएको छ र नवौं स्थानमा उक्लिन सफल भएको छ । छैटौं चरणको अन्तिम खेलमा बेहोरेको हारपछि सातदोबाटो ८ अंकमा सीमित रह्यो र पाँचौं स्थानमा रह्यो । माथिल्लो डिभिजनमा डेब्यु सिजन खेलिरहेको सातदोबाटोको दोस्रो हार हो र उसले पछिल्ला तीन खेलमा एक अंक मात्र बटुलेको छ ।

प्रकाशित : पुस १२, २०७८ १६:१४
पूरा पढ्नुहोस्
प्रतिक्रिया
पठाउनुहोस्
×