अविताको फास्ट-फर्वाड ल्यापटप सिरिज नेपाली बजारमा
काठमाडौँ — अविताले नेपाली बजारमा पनि ल्यापटप ल्याएको छ । एसेन्सियल, म्यागस २ इन १ र प्यूरा ई सिरिजका अतिरिक्त ‘रेड डट डिजाइन’ अवार्ड विजेता २०२१ – ‘लाइवर भी १४’ ल्यापटप सिरिज नेपाली बजारमा भित्रिएका हुन् ।
सबै ल्यापटप २ वर्षको अन–साइट वारेन्टीसहित आउने तथा म्यागस २ इन १ मा २ वर्षको क्यारी–इनवारेन्टी आउने कम्पनीले जनाएको छ ।
अमेरिका, हङकङ, सिङ्गापुर, ताइवान, थाइल्याण्ड, इन्डोनेसिया, फिलिपिन्स, मलेसिया र भारतजस्ता देशमा सफलतापूर्वक बजार विस्तार गरेको कम्पनीले अब नेपालमा पनि लाइफस्टाइल टेक ब्रान्ड सहित व्यापार विस्तार गर्ने भएको हो । यी ल्यापटप हल्का, अल्ट्रा–पोर्टेबलजस्ता विशेषताले भरिपूर्ण रहेकोले युवालाई आकर्षित गर्ने कम्पनीको दावी छ । अविताका क्षेत्रीय व्यापार निर्देशक सीमा भटनागरले भने ‘हामी विशिष्ट सिरीजका ल्यापटप ल्याउनेछौा जसले ग्राहकमा बढ्दो माग सिर्जना गर्नेछ ।’