सामसङको नयाँ सफ्टवेयर ‘वान् युआइ ४ अद्यावधिक’ 

वान् यूआई ४ ले ग्राहकलाई एक उन्नत मोबाइलको अनुभव दिलाउने सामसङको दावी छ । ‘हामी जोकोहीलाई सम्भव भएसम्म छिटोभन्दा छिटो उत्कृष्ट मोबाइलको अनुभव दिलाउन प्रतिबद्ध छौं’ सामसङ नेपालका डाइरेक्टर प्रनयरत्न स्थापितले भने ‘वान् यूआई ४ मार्फत सामसङले नवीनतम, गोपनीय र सुरक्षाका विशेषता ल्याएको छ, जसले गर्दा ग्राहकले के साझा गर्ने र के गोप्य राख्ने भनेर सही रुपमा चयन गर्न सक्नेछन् ।’

जब कुनै एपले ग्राहकको क्यामरा वा माइक्रोफोनमा पहुाच राख्ने प्रयास गरिरहेको हुन्छ त्यस समयमा यसले सचेत गराउने उनले बताए । ग्यालेक्सी एस २१ सिरिजमा नोभेम्बर १५ देखि वान् युआइ ४ उपलब्ध भएको छ । छिट्टै नै पहिलेको ग्यालेक्सी एस र नोट सिरिजका साथै ग्यालेक्सी जेड सिरिज, ए सिरिज र ट्याब्लेटहरुमा पनि उपलब्ध गराइने कम्पनीले जनाएको छ । यो घोषणा शुरु भएको ग्यालेक्सी घडी सिरिजको लागि नयाँ सफ्टवेयर अद्यावधिकसँगै गरिएको कम्पनीले स्पष्ट पारेको छ ।