शाओमीको आधिकारिक स्टोर बुटवलमा- बजार - कान्तिपुर समाचार
कान्तिपुर वेबसाईट
AdvertisementAdvertisement

शाओमीको आधिकारिक स्टोर बुटवलमा

कान्तिपुर संवाददाता

काठमाडौँ — शाओमीले बुटवलमा आफ्नो आधिकारिक स्टोर संचालनमा ल्याएको छ । बुटवलको बीपीचोक – ६ मा नयाँ स्टोर खुलेको हो । 

शाओमी नेपालका कन्ट्री जनरल म्यानेजर सौरभ कोठारीले नेटवर्क निर्माणको लक्ष्य पूरा गर्नको लागि प्रयास गरिएको बताए । मीस्टोरले निर्वाध रूपमा उत्पादनको उपलब्धता र वितरणलाई सहज रुपमा ग्राहकमा पुऱ्याउने उनको भनाइ छ ।

ग्राहकले सिधा ब्राण्डसाग अन्तरक्र्रिया गर्नका लागि पनि यस्ता स्टोरको महत्व रहेको उनको भनाइ छ । उनले भने ‘मी प्रशंसकलाई ब्रान्डसँग घनिष्ठ सम्बन्धलाई सशक्त बनाउँछ।’


प्रकाशित : मंसिर १४, २०७८ १८:४५
प्रतिक्रिया
पठाउनुहोस्

नियमन नगरी मदिरा तथा सुर्तीजन्यको विज्ञापन मात्रै रोक्ने कदमप्रति व्यवसायीको आपत्ति

कान्तिपुर संवाददाता

काठमाडौँ — निजी क्षेत्रलाई प्रतिकूल प्रभाव पार्ने भन्दै विज्ञापन बोर्डले गरेको निर्णय फिर्ता लिन व्यवसायीले माग गरेका छन् । मदिरा, सुर्ती तथा सुर्तीजन्य पदार्थले जनस्वास्थ्यमा प्रतिकुल असर पर्ने भन्दै बोर्डले तिनको विज्ञापन उत्पादन, वितरण र प्रचारप्रसारमा रोक लगाएको छ ।  यस्तो कदमप्रति विज्ञापन व्यवसायीहरुले विरोध जनाउँदै फिर्ता गर्नुपर्ने माग राख्दै संयूक्त रुपमा विज्ञप्ति जारी गरेका छन् ।

नेपाल विज्ञापन संघ (आन), नेपाल मिडिया सोसाइटी, मिडिया अलाइन्स नेपाल, नेपाल पेय पदार्थ तथा चुरोट उद्योग संघ र अखिल नेपाल फुुटवल संघले मंगलबार संयूक्त विज्ञप्ति निकालेका हुन् ।

‘नेपाली उद्योग र उत्पादनको नियमन गर्ने विधि तय नगरी विज्ञापन मात्रै गर्न नपाउने एकतर्फी निर्णयले विज्ञापन व्यवसायमा प्रतिकुल असर पर्न जान्छ,’ विज्ञप्तिमा भनिएको छ, ‘यसले विज्ञापन एजेन्सी, मिडिया र यस क्षेत्रका उत्पादन उद्योगमा समेत असर पर्नेछ । यसले देशको अर्थतन्त्रमा प्रभाव पर्न सक्छ ।’

बोर्डले जनस्वास्थ्य ऐनको हवाला दिँदै ती बस्तुको विज्ञापन सामग्रीको उत्पादन तथा वितरणमा लगाएको रोकप्रति गम्भीर ध्यानाकर्षण भएको विज्ञप्तिमा उल्लेख छ । ‘विज्ञापन रोक्दैमा बस्तुको उपभोग कम हुँदैन,’ विज्ञप्तिमा भनिएको छ, ‘त्यसैले मदिरा उपभोग प्रति उक्साहट नगर्ने किसिमका विज्ञापनले उपभोक्तालाई आफ्नो चाहना अनुसारको बस्तु छनोट गर्न सहयोग गर्छ ।’


प्रकाशित : मंसिर १४, २०७८ १८:३३
पूरा पढ्नुहोस्
प्रतिक्रिया
पठाउनुहोस्
×