बाल्ट्राको ‘हरेक हप्ता सुनको सिठ्ठी योजना’का विजेता घोषित- बजार - कान्तिपुर समाचार

बाल्ट्राको ‘हरेक हप्ता सुनको सिठ्ठी योजना’का विजेता घोषित

कान्तिपुर संवाददाता

काठमाडौँ — चाडपर्वलाई लक्षित गर्दै बाल्ट्रा होम एप्लायन्सले सर्वसाधारणका लागि ल्याएको ‘बाल्ट्रा बडा उत्सव’ योजना अन्तर्गतका विजेताहरु सार्वजनिक गरेको छ ।

पहिलो, दोस्रो र तेस्रो हप्ताका विजेताहरु सार्वजनिक गरिएको बाल्ट्राले जनाएको छ । बाल्ट्राको कुनै पनि सामान खरिदमा सहभागी भएकामध्ये गोलाप्रथाद्वारा काठमाडौंकी उन्नति श्रेष्ठ पहिलो हप्ताको विजेता बन्न सफल भएकी छन् ।

त्यसैगरी सुर्खेतकी ईश्वरी बिक दोस्रो हप्ता र जीतपुरका राजकुमार सोनी तेस्रो हप्ताका विजेता बन्न सफल भएका छन् । यस योजनाका सबै विजेताले २२ क्यारेट, ४ ग्राम नेट तौलको सुनको सिठ्ठी प्राप्त गर्ने कम्पनीले जनाएको छ ।

नेपालभर रहेका बाल्ट्राका आधिकारिक बिक्रेता (डिलर, रिटेलर, एक्स्क्लुसिभ शोरुम तथा अनलाइन रिटेलर) बाट बाल्ट्राका जुनसुकै सामानको खरिद गर्ने ग्राहकलाई प्रतियोगितामा सहभागी गराइएको थियो । उपहार दाबी गर्नका लागि विजेताले सामान खरिद गरेको भ्याटरप्यान बिल ल्याउनुपर्ने छ । साथै उपहारमा लागू हुने कर विजेता आफैले व्यहोर्नुपर्ने छ ।


प्रकाशित : मंसिर ९, २०७८ १९:०२
प्रतिक्रिया
पठाउनुहोस्

सिन्धुलीमा कांग्रेस जिल्ला अधिवेशन स्थगित

राजकुमार कार्की

सिन्धुली — जिल्ला कार्यसमिति पूर्वसदस्य एवं दुधौली नगरपालिकाका वडाध्यक्षको निधन भएपछि जिल्ला अधिवेशन अनिश्चितकालका लागि स्थगित भएको छ । जिल्ला सदस्य एवं वडाध्यक्ष कुमार बस्नेतको मोटरसाइकल दुर्घटनामा बिहीबार निधन भएको छ । कांग्रेसको १४ औं महाधिवेशन तालिकाबमोजिम शुक्रबार जिल्ला अधिवेशन रहेको छ ।

कांग्रेस सिन्धुलीको आकस्मिक बैठकले गरेको अनुरोधबमोजिम जिल्ल अधिवेशन रोकिएको निर्वाचन अधिकृत लेखतबहादुर खड्काले बताए ।

जिल्लामा संघीय निर्वाचन क्षेत्र नं २ को सभापति पदको मत परिणाम घोषणा हुन सकेको छैन । निर्वाचन अधिकृतका अनुसार क्षेत्रीय सभापति पदको मतपत्र महाधिवेशन प्रतिनिधिकोमा मिसिएको र बढी भेटिएकाले सहमति नजुट्दा विजय उम्मेदवारको घोषणा हुन नसकेको हो ।

क्षेत्रीय सभापति पदमा कुमार ढकाल र कपिल कोइराला प्रतिस्पर्धामा छन् । रुजु भएअनुसार हराएको ९ मतमात्र रहेकोमा महाधिवेशन प्रतिनिधिहरुको मत पत्र बक्समा १३ वटा भेटिएपछि धाँधली भएको भन्दै उम्मेदवारहरुले घोषणा गर्न नदिएका हुन् । निर्वाचनअधिकृत खड्काकाअनुसार कसरी मतपत्र बढी भयो भन्नेमा छानबिन भइरहेको छ । महाधिवेशन प्रतिनिधि ५० जना र अन्य पदाधिकारीहरुको भने घोषणा भइसकेको छ ।

प्रकाशित : मंसिर ९, २०७८ १८:५७
पूरा पढ्नुहोस्
प्रतिक्रिया
पठाउनुहोस्
×