सोवा हेल्थ केयर सेन्टरले बिहीबारबाट सेवा सञ्चालन गर्ने - बजार - कान्तिपुर समाचार

सोवा हेल्थ केयर सेन्टरले बिहीबारबाट सेवा सञ्चालन गर्ने 

कान्तिपुर संवाददाता

काठमाडौँ — सोवा हेल्थ केयर सेन्टर ललितपुरले मंसिर ९ गते बिहीबारदेखि सेवा सञ्चालनमा ल्याउने भएको छ ।ललितपुरको एकान्तकुनास्थित स्वीस् एम्बेसी नजिकै सोवा हेल्थ केयर सेन्टर सञ्चालनमा आउन लागेको हो ।

सोवाले प्याथलोजी ल्याव, अल्ट्रासाउन्ड, इको, एक्सरे, टिएमटी, पिएफटी, हल्टर, एवीपी लगायतका सेवा प्रदान गर्ने जनाएको छ। विशेष सेवा अन्तर्गत कस्टमेटिक, इन्डोस्कोपी र भ्याक्सिनेसन लगायतका सेवा पनि सोवाले प्रदान गर्नेछ ।

वरिष्ठ विशेषज्ञ चिकित्सकहरू र अनुभवी व्यवस्थापकबाट सञ्चालित हेल्थ केयर सेन्टरबाट सेवाग्राहीले छिटो र छरितो सेवाप्राप्त गर्ने कम्पनीको दावी छ। हेल्थ केयर सेन्टर बिहान ७ देखि बेलुकी ७ बजेसम्म खुला रहने छ । सेवा सञ्चालनमा ल्याएको अवसर पारेर सोवाले सेवाग्राहीलाई बिहीबारदेखि एक महिनासम्म हरेक सेवामा २५ प्रतिशत छुट दिने जनाएको छ ।

सोवाले जनरल हेल्थ केयर प्याकेज, वुमेन हेल्थ केयर प्याकेज, कार्डियाक हेल्थ केयर प्याकेज, डाइविटिज केयर प्याकेज र थाइराइड प्याकेज सहितका सेवा पनि प्रदान गर्ने भएको छ । साथै घरमै गएर होम केयर सेवा तथा नमुना संकलन सेवा समेत उपलब्ध गराइने सोवाले जनाएको छ।


प्रकाशित : मंसिर ८, २०७८ १९:५१
प्रतिक्रिया
पठाउनुहोस्

फुटबल मैदानको आधा जत्रो मञ्‍च

कान्तिपुर संवाददाता

काठमाडौँ — नेकपा एमालेको १० औं राष्ट्रिय महाधिवेशनको उद्घाटन समारोह सञ्चालनका लागि चितवनको नारायणी नदी किनारमा मञ्च निर्माण कार्य धमाधम भइरहेको छ । 

बाढीले क्षति पुर्‍याएको नारायणी नदीको तटलाई सम्याएर एमालेले मञ्च निर्माण गरेको हो । मंसिर १ गतेबाट सम्माएर मञ्च बनाउने सुरु गरिएको थियो । शुक्रबार हुने उद्घाटन कार्यक्रममा ५ लाख मानिस उतार्ने दाबी एमालेले गर्दै आएको छ ।

दुई तले हुने मञ्च १ सय २० फिट लामो र ६० फिट चौडा रहेको छ । यसको आधारमा फुटबल मैदानको आधा हुने छ ।

व्यवस्थापन कमिटीका संयोजक विनोद श्रेष्ठले मञ्चमा चार खण्ड हुने बताए । उनले बीचको खण्डमा एमाले स्थायी कमिटीका सदस्य तथा देशी विदेशी अतिथिहरुलाई राख्ने, एकतिर केन्द्रीय कमिटीका सदस्य, दायाँतर्फ सल्लाहकार परिषद्‌का सदस्य र ७२ जना कलाकारले एकै पटक कार्यक्रम प्रस्तुत गर्न सक्ने व्यवस्था गरिएको बताए ।

श्रेष्ठका अनुसार ५ सय मानिस अट्ने क्षमताको मञ्च निर्माण गरिएको छ । 'निर्माण कार्यमा स्वयंमसेवकहरु लागेको र सामग्री उद्घाटन र बन्दसत्रमा ५० लाख रुपैयाँ मञ्च निर्माण गर्न लाग्ने छ,' श्रेष्ठले भने ।

पाँचौ महाधिवेशनदेखिनै मञ्च निर्माण र व्यवस्थापनमा खट्दै आएका श्रेष्ठले भने, 'पाँचौदेखि आठौं महाधिवेशनसम्म यस्ता संरचना नेपालमा पाइने थिएन,' उनले भने, 'यो फिल्डिङ सिस्टमको मञ्च हो ।'

प्रकाशित : मंसिर ८, २०७८ १९:४४
पूरा पढ्नुहोस्
प्रतिक्रिया
पठाउनुहोस्
×