एभरेस्टका सात ब्रान्डका ग्यास साट्दा अतिरिक्त शुल्क नलाग्ने- बजार - कान्तिपुर समाचार

एभरेस्टका सात ब्रान्डका ग्यास साट्दा अतिरिक्त शुल्क नलाग्ने

कान्तिपुर संवाददाता

काठमाडौँ — एभरेस्ट ग्यास ग्रुपका सात ब्रान्डका जुनसुकै ग्यास सिलिन्डर साट्दा ग्राहकले अतिरिक्त शुल्क तिर्नु नपर्ने भएको छ ।

एभरेस्टले काठमाडौंमा एभरेस्ट, भैरहवामा त्रिशूल, सुनसरीमा कामाख्य, सुनसरीमा प्रिमा, हेटौंडामा सहारा, कैलालीमा सैपाल र धादिङमा सुगम ब्रान्डका ग्यास सिलिन्डर बिक्रीवितरण गरिरहेको छ । यी सबै ब्रान्ड एकै छातामुनि रहेको एभरेस्ट ग्यासका अध्यक्ष शिवप्रसाद घिमिरेले जानकारी दिए ।

‘नेपालको ग्यास बजार केही अव्यवस्थित नै छ । भनेका बेला कुनै पनि सिलिन्डर नपाइन सक्छ । तथापि उपभोक्ताले एउटा ब्रान्डबाट अर्काे ब्रान्डको सिलिन्डर परिवर्तन गर्दा अतिरिक्त शुल्क तिर्नुपर्ने बाध्यता छ । त्यसैले एभरेस्टमार्फत सात ब्रान्डलाई एउटै छानामुनि ल्याएर उपभोक्तालाई केही सहज बनाउने प्रयास गरेका हौं ।’

यी सबै ब्रान्डबाट करिब २० लाख सिलिन्डरले लाखौं नेपालीको मन जितेको उनको भनाइ छ । करिब तीन हजार डिलरको सञ्जालमार्फत एभरेस्टले गाउँगाउँमा सेवा प्रदान गरिरहेको उनले बताए ।

यसैबीच एभरेस्टले कलाकारद्वय दीपकराज गिरी र दीपाश्री निरौलालाई ब्रान्ड एम्बासडरमा नियुक्त गरेको बताएको छ ।

प्रकाशित : मंसिर ५, २०७८ २०:४४
प्रतिक्रिया
पठाउनुहोस्

कंगोमा हतियारधारी समूहद्वारा ५ चिनियाँ नागरिक अपहरित

एजेन्सी

कंगो — कंगोमा पाँचजना चिनियाँ नागरिक हतियारधारी समूहबाट अपहरणमा परेको अन्तर्राष्ट्रिया सञ्चारमाध्यमले जनाएका छन् । रोयटर्सका अनुसार दक्षिणपूर्वी क्षेत्रस्थित एक खानीबाट चिनियाँहरू अपहरणमा परेका हुन् ।

यस क्रममा हतियारधारी समूह र प्रहरीबीच झडपसमेत भएको थियो । जहाँ एक प्रहरी मारिएको बताइएको छ । दक्षिणी किभु प्रान्तको मुकेरा गाउँमा आइतबार यस्तो घटना भएको बताइएको छ ।

तर हतियारधारी समूहबारे कुनै पहिचान भएको छैन । रोयटर्सका अनुसार चिनियाँ खानी कम्पनीहरू र स्थानीय अधिकारीबीच पहिलेदेखि नै तनाबपूर्ण सम्बन्ध रहँदैआएको छ । जहाँ केही कम्पनीले इजाजतपत्र बिना गैरकानुनी रूपमा खानी सञ्चालन गरिरहेका छन्।

कंगोस्थित चिनियाँ दूतावासका प्रवक्ताले भने यसबारे कुनै प्रतिक्रिया दिएका छैनन्। यस्तै चिनियाँहरू आवद्ध खानीको नामसमेत खुलाइएको छैन ।

गत अगस्टमा दक्षिण किभुका गभर्नर थेओ कसीले ६ वटा चिनियाँ कम्पनीलाई निलम्बन गर्दै स्थानीय र विदेशी कामदारलाई त्यस क्षेत्र छाड्न आदेश दिएको स्थानीय मिडियाले जनाएका थिए ।

प्रकाशित : मंसिर ५, २०७८ २०:३५
पूरा पढ्नुहोस्
प्रतिक्रिया
पठाउनुहोस्
×