नबिल बैंकका ग्राहकलाई दराजको ११.११ मा क्यास ब्याक अफर- बजार - कान्तिपुर समाचार

नबिल बैंकका ग्राहकलाई दराजको ११.११ मा क्यास ब्याक अफर

कान्तिपुर संवाददाता

काठमाडौँ — नबिल बैंकले दराज (अनलाइनबजार) को ११.११ को अवसरमा ग्राहकलाई विशेष अफर ल्याएको छ । दराजसँगको साझेदरीमा कात्तिक २५ देखि मंसिर ३ गतेसम्म किनेको सामानमा डेबिट कार्डमार्फत गरेको भुक्तनीमा विशेष छुट पाउने व्यवस्था गरिएको हो ।

बैंकका ग्राहकले डेबिट कार्डमार्फत रकम भुक्तानी गर्दा १५ प्रतिशत छुट वा अधिकतम ३ हजार रुपैयाँ क्यास ब्याक पाउने छन् । त्यस्तै क्रेडिट कार्डमार्फत भुक्तानी गर्दा १५ प्रतिशत वा ३ हजार ५ सय रुपैयाँसम्म क्यास ब्याक पाउने बैंकले जनाएको छ । सन् १९८४ मा स्थापित यस बैंकले हाल १३५ शाखा, १८५ एटिएम र १ हजार ५०० भन्दा बढी नबिल रेमिट एजेन्टहरु मार्फत सेवा प्रदान गर्दै आएको छ ।


प्रकाशित : कार्तिक २४, २०७८ १७:१०
प्रतिक्रिया
पठाउनुहोस्

डोल्पोबुद्ध गाउँपालिकाका अध्यक्ष माओवादी प्रवेश

हरि गौतम

रुकुम पश्चिम — डोल्पाको डोल्पोबुद्ध गाउँपालिकाका अध्यक्षसहित दुई दर्जन युवाले नेकपा माओवादी केन्द्र प्रवेश गरेका छन् । माओवादी केन्द्रका अध्यक्ष पुष्पकमल दाहालले डोल्पोबुद्ध गाउँपालिकाका अध्यक्ष तेम्बा गुरुङसहित दुई दर्जन युवालाई पार्टी प्रवेश गरेका हुन् ।

गाउँपालिकाका अध्यक्ष गुरुङसहित १ नम्बर वडाध्यक्ष क्याल्पो भोटे थापा, २ नम्बर वडाध्यक्ष छोइक्याप भोटे, ३ नम्बर वडाध्यक्ष पाल्जाङ लामा र ६ नम्बर वडाका कार्यवाहक अध्यक्ष पेम्मा आङछुक गुरुङ पनि माओवादी केन्द्रमा प्रवेश गरेका छन् ।

यी जनप्रतिनिधि साथमा अरु युवाहरु माओवादी केन्द्रमा प्रवेश गरेको माओवादी केन्द्रले जनाएको छ । नेपाली सेनाको एमआई १७ हेलिकोप्टर मार्फत दाहालका साथमा अर्थमन्त्री जनार्दन शर्मा, पूर्व मन्त्री शक्तिबहादुर बस्नेत, सत्या पहाडीलगायतका नेताहरु उपल्लो डोल्पा पुगेका थिए ।

स्थानीयले दाहाल लगायतको टोलीलाई गाउँ विकासको लागि ६ बुँदे ज्ञापन पत्र समेत बुझाएका छन् ।

गाउँपालिका अध्यक्षलगायतले यसअघि नेकपा एमालेबाट उम्मेदवार बनेर चुनाव जितेका थिए ।

प्रकाशित : कार्तिक २४, २०७८ १६:५५
पूरा पढ्नुहोस्
प्रतिक्रिया
पठाउनुहोस्
×