काठमाडौँ — नेपाल एसबिआई बैंक संचालक समितिको बैठकले राजिव अरोरालाई अध्यक्षमा सर्वसम्मतिले चयन गरेको छ । अरोराले स्टेट बैंक अफ इण्डियामार्फत संचालक समितिमा प्रतिनिधित्व गर्छन् । नेपाल राष्ट्र बैंकका गर्भनर महाप्रसाद अधिकारीले उनलाई एक समारोहबीच पद तथा गोपनीयताको शपथ गराएका छन् ।
अरोराले एसबिआईको मुम्बईस्थित प्रधान कार्यालयको अन्तर्राष्ट्रिय बैंकिङ्ग समूहमा मुख्य महाप्रबन्धकको पदमा कार्यरत रही रणनीति, व्यवसाय प्रवर्धन, संचालन प्रभावकारीता तथा समूहको अन्य मामिला हेर्ने गरेको बैंकले जनाएको छ ।