काठमाडौँ — कामना सेवा विकास बैंकले ‘केएस डीजी’ वालेट सञ्चालनमा ल्याएको छ ।
बैंकले मनम इन्फोटेकको सहकार्यमा उक्त डिजिटल वालेट सेवा सञ्चालनमा ल्याएको हो । बैंकका प्रमुख कार्यकारी अधिकृत प्रवीण बस्नेतले उक्त सेवाको उद्घाटन गरे ।
यसमार्फत ग्राहकले खाता खोल्न र कर्जा आवेदन दिनेलगायत सेवा प्रयोग गर्न सक्नेछन् ।
काठमाडौँ — साओमी नेपालले यसपालिको चाडबाडका लागि ‘मी लिएको छैन’ अफर सार्वजनिक गरेको छ ।
यो अफरअन्तर्गत ग्राहकले साओमीको मी एलईडी टीभी र अन्य सामान खरिदमा छुट पाउनेछन् ।
चाडबाडका बेला ग्राहकलाई कम्पनीले ल्याएका नयाँ सामान खरिद गर्न यस्तो अफर ल्याइएको साओमी नेपालका कन्ट्री जनरल म्यानेजर सौरभ कोठारीले जानकारी दिए ।
यो अफरपछि ग्राहकले साओमीको मी एलईडी टीभी ४ ए प्रो ३४ हजार ९ सय ९९ रुपैयाँ खरिद गर्न सक्छन् ।
साथै मी एलईडी टीभी४ ए ४० पनि अफरमा ३९ हजार ९ सय ९९ रुपैयाँ खरिद गर्न सकिने कम्पनीले जानकारी दिएको छ ।
