अनलाइनबाट होटल बुकिङ गर्न प्राइडक्लिक्स
काठमाडौँ — प्राइड हस्पिटालिटीले नेपालभरका होटलहरुको अनलाइनबाटै बुकिङ गर्न सकिने सेवा शुरु गरेको छ । बुधबार नेपाली पर्यटन उद्योगसंग आबद्ध व्यवसायीहरुमाझ प्राइड क्लिक्स वेबपोर्टलको सफ्ट लन्च गरिएको कम्पनीले विज्ञप्तीमा जनाएको छ ।
हस्पिटालिटिका अध्यक्ष नितेश पोखरेलले देशभरका सबै होटलहरुको बुकिंग प्राइडक्लिक्स् एप र अनलाइनमा गर्न सकिने बताए । ‘नेपालीहरुले अब विदेशी एपबाट होइन नेपाली एपबाट आफुले चाहेको सस्तो र सुविधायुक्त होटल बुकिङ गर्न सक्नेछन,’ अध्यक्ष पोखरेलले भने, ‘प्राइडक्लिक्सले होटल बुकिङमार्फत् बाहिरिने कमिसनलाई रोक्ने छ ।’
नेपालका होटलहरुको व्यवस्थापन समेत गर्दै आएको प्राइडले नेपाली अनलाइन पेमेन्टहरुसँग साझेदारी गरेको छ । उस्ले संसारका जुनसुकै मुलुकबाट नेपाली होटल बुकिङ गर्न सकिने जनाएको छ ।