काठमाडौँ — लक्ष्मी बैंकको ऋणपत्र नेपाल स्टक एक्सचेन्ज (नेप्से) मा सूचीकृत भएको छ ।

बैंकले निष्कासन गरेको दुई अर्ब रुपैयाँ मूल्य बराबरको ‘८.५ प्रतिशत लक्ष्मी बैंक डिबेन्चर २०८८’ नेप्सेमा सूचीकृत भएको हो । यससँगै उक्त ऋणपत्र नेप्सेमा दोस्रो बजार कारोबार गर्न सकिने बैंकले जानकारी दिएको छ ।

नेप्सेका निमित्त प्रमुख कार्यकारी अधिकृत निरञ्जन फुयाल र बैंकका प्रमुख कार्यकारी अधिकृत अजय विक्रम शाहले यससम्बन्धी सम्झौतापत्रमा हस्ताक्षर गरे ।