बजारमा बीएस ६ सुजुकी एक्सेस १२५ स्कुटर
काठमाडौँ — नेपालका लागि सुजुकी मोटरसाइकल तथा स्कुटरको आधिकारिक आयातकर्ता एवं वितरक भीजी अटोमोबाइल्स प्रालिले बीएस ६ प्रविधिको सुजुकी एक्सेस स्कुटर नेपाली बजारमा भित्र्याएको छ ।
सुजुकी एक्सेस १२५ स्कुटरमा फोर स्ट्रोक सिंगल सिलिन्डर एयरकुल्ड जडित इन्जिन छ । नयाँ परिमार्जित एक्सेस १२५ स्कुटरमा बीएस ६ र एफआई प्रविधि छ ।
२ भल्बयुक्त इन्जिन भएको यसले ६७५० आरपीएममा ८.७ पीएस पावर र ५५०० आरपीएममा १० एनएमटर्क जेनेरेट गर्छ ।
यो सेतो, नीलो, खैरो र कालो गरी चार रङमा उपलब्ध भएको कम्पनीले जानकारी दिएको छ ।
प्रकाशित : श्रावण १८, २०७८ १८:४३