मेगा बैंकको फोनबाटै २ लाखसम्मको कर्जा- बजार - कान्तिपुर समाचार

मेगा बैंकको फोनबाटै २ लाखसम्मको कर्जा

कान्तिपुर संवाददाता

काठमाडौँ — मेगा बैंक नेपालले स्मार्टफोनबाट तत्कालै पाउन सकिने कर्जा सुविधा ल्याएको छ । आफ्ना ग्राहकलाई तत्कालै कर्जा उपलब्ध गराउने उद्देश्यले बैंकले एफ वान सफ्ट इन्टरनेसनल प्रालिसँगको सहकार्यमा यस्तो सुविधा ल्याएको जानकारी दिएको हो ।


जसअनुसार बैंकमा मासिक तलब खाता भएका संघसंस्था तथा कम्पनीका कर्मचारीले ३० दिनसम्मका लागि २ लाख रुपैयाँसम्म कर्जा पाउन सक्नेछन् । मेगा स्मार्ट बैंकिङ एपबाट अनलाइन आवेदन दिएको केही मिनेटमै ग्राहकलाई ‘भर्चुअल क्रेडिट कार्ड’ मार्फत् खातामा कर्जा रकम जम्मा गरिने बैंकले जनाएको छ ।

प्रकाशित : असार ८, २०७८ १३:४१
प्रतिक्रिया
पठाउनुहोस्

कोभिड प्रभावित पर्यटन कर्मचारीलाई सापटी

कान्तिपुर संवाददाता

काठमाडौँ — नागरिक लगानी कोषले कोभिड–१९ प्रभावित पर्यटन क्षेत्रका कर्मचारीहरुलाई सापटी रकम प्रदान गर्ने भएको छ ।

कोषले पर्यटन उद्योग तथा उड्डयन क्षेत्रमा कार्यरत कर्मचारीहरूलाई बिनाब्याजमा सापटी दिने व्यवस्था गरेको हो । निषेधाज्ञासँगै पर्यटन क्षेत्रमा काम गर्ने कर्मचारीहरू बढी प्रभावित भएको बताउँदै उनीहरूलाई सापटी दिने व्यवस्था मिलाएको कोषले जनाएको छ । कोषबाट सञ्चालित कर्मचारी बचत वृद्धि स्वीकृत अवकाश कोष कार्यक्रममा सहभागी भएका पर्यटन क्षेत्रका कर्मचारीले मासिक रूपमा काटिएको रकम सापटी लिन सक्छन् । उक्त सापटीमा सहभागीलाई थप ब्याज शुल्क नलाग्ने व्यवस्था गरिएको छ । खातामा जम्मा भएको रकमको ५० प्रतिशतसम्म सापटी लिन पाइन्छ । यो सुविधा आगामी पुस मसान्तसम्म उपलब्ध हुने र सापटी लिएको रकम २ वर्षभित्र फिर्ता गर्नुपर्छ ।

प्रकाशित : असार ८, २०७८ १३:३९
पूरा पढ्नुहोस्
प्रतिक्रिया
पठाउनुहोस्
×