नेसनल माइक्रोफाइनान्सले सेयर बिक्री गर्ने- बजार - कान्तिपुर समाचार

नेसनल माइक्रोफाइनान्सले सेयर बिक्री गर्ने

कान्तिपुर संवाददाता

काठमाडौँ — नेसनल माइक्रोफाइनान्स लघुवित्त वित्तीय संस्थाले संस्थापक सेयर बिक्री गर्ने भएको छ । संस्थाले संस्थापक समूहअन्तर्गतको ७८ हजार १ सय ५० कित्ता सेयर बिक्री गर्ने जनाएको हो ।

सेयरको प्रतिकित्ता न्यूनतम मूल्य १ हजार २२ रुपैयाँ राखिएको छ । संस्थाको संस्थापक सेयरका लागि आवेदकहरूले न्यूनतम सय कित्ताका लागि आवेदन दिन सक्छन् । अधिकतम सेयर संख्याका लागि कुनै हद नभएको संस्थाले जनाएको छ । असार १० सम्म आवेदन दिन सकिनेछ ।

प्रकाशित : असार ८, २०७८ १३:३८
प्रतिक्रिया
पठाउनुहोस्

बागलुङमा दुई जना कोरोना संक्रमितको मृत्यु

प्रकाश बराल

बागलुङ — धौलागिरी अस्पतालमा मंगलबार दुई जना कोरोना संक्रमितको मृत्यु भएको छ । मृत्यु हुनेमा बागलुङ नगरपालिका–३ का ८२ वर्षीय पुरुष र बडिगाड गाउँपालिका–२ का ६८ वर्षीय पुरुष रहेका छन् ।

गत जेठ १९ गते अस्पतालमा भर्ना भएका बडिगाडका पुरुषको स्वास्थ्यमा सुधार नआएपछि मंगलबार मृत्यु भएको स्वास्थ्य कार्यालय बागलुङका कोभिड फोकल पर्सन देवप्रकाश घिमिरेले बताए । बागलुङ नगरपालिकाका ८२ वर्षीय वृद्धलाई भने सोमबार मात्रै अस्पताल भर्ना गरिएको थियो ।

मंगलबार बागलुङ नगरपालिका–३ को एउटै टोलमा ३५ जनामा कोरोना पुष्टि भएको छ । छिमेकीको विवाहमा सरिक भएको दुई सातापछि उनीहरुमा कोरोनाको लक्षण देखिएको थियो । नगर स्वास्थ्य शाखाका प्रमुख रामप्रसाद खनालका अनुसार उक्त टोल सिल गरिने भएको छ ।

प्रकाशित : असार ८, २०७८ १३:३३
पूरा पढ्नुहोस्
प्रतिक्रिया
पठाउनुहोस्
×