रेडमी नोट १० सिरिज बजारमा- बजार - कान्तिपुर समाचार

रेडमी नोट १० सिरिज बजारमा

कान्तिपुर संवाददाता

काठमाडौँ — साओमी नेपालले आफ्नो नयाँ उत्पादन रेडमी नोट १० एस मोबाइल सार्वजनिक गरेको छ । यसमा स्लिक डिजाइन, स्टनिङ क्यामेरा, स्याभेज पर्फमेन्स र स्मुथ डिसप्ले रहेको कम्पनीले जनाएको छ ।

साथै ६४ एमपीको प्राइमरी क्यामेरा, ८ एमपीको अल्ट्रा–वाइड लेन्स, २ एक्स क्षमताको साथ २ एमपीको म्याक्रो क्यामेरा र २ एमपीको डेप्थ सेन्सरलगायत विशेषता पनि छन् ।

५ हजार एमएएच ब्याट्री, ३३ वाटको फास्ट चार्जिङ विशेषता रहेको यो मोबाइल डीप सी ब्लु, फ्रोस्ट बाइट र स्याडो ब्ल्याक गरी तीन रङमा उपलब्ध छन् ।

६ जीबी र्‍याम र ६४ जीबी रोमसहितको मोबाइलको मूल्य २४ हजार ९ सय ९९ तथा १२८ जीबी रोमसहितको मोबाइलको मूल्य २६ हजार ९ सय ९९ रुपैयाँ पर्ने कम्पनीले जनाएको छ ।

प्रकाशित : असार ५, २०७८ १४:०१
प्रतिक्रिया
पठाउनुहोस्

एनसीसी बैंकले संस्थापक सेयर बिक्री गर्ने

कान्तिपुर संवाददाता

काठमाडौँ — नेपाल क्रेडिट एन्ड कमर्स (एनसीसी) बैंकले आफ्नो संस्थापक समूहअन्तर्गतको सेयर बिक्री गर्ने भएको छ ।

नेपाल इन्स्योरेन्स कम्पनी लिमिटेडको स्वामित्वमा रहेको बैंकले ९ लाख कित्ता सेयर बिक्री गर्ने जनाएको हो । बैंकले जारी गरेको सूचनाअनुसार उक्त संस्थापक सेयरको प्रतिकित्ता मूल्य १ सय ४० रुपैयाँ तोकिएको छ ।

बैंकले आफ्नो संस्थापक सेयरको न्यूनतम १ हजार कित्ता र अधिकतम सेयर संख्याका लागि कुनै हद नभएको जनाएको छ । सेयर खरिद गर्नेहरुले असार १६ सम्म आवदेन दिन सक्नेछन् ।

प्रकाशित : असार ५, २०७८ १३:५९
पूरा पढ्नुहोस्
प्रतिक्रिया
पठाउनुहोस्
×