लक्ष्मी बैंकको युरोकप योजना
काठमाडौँ — लक्ष्मी बैंकले युरोकप योजना ल्याएको छ । यस वर्ष आयोजना भइरहेको युरो कप २०२१ को सुरुवातसँगै बैंकले उक्त योजना ल्याएको जानकारी दिएको छ ।
बैंकले एफ–वान सफ्टसँगको सहकार्यमा ‘प्रेडिक्ट एन्ड विन’ क्याम्पेन ल्याएको हो । यसअन्तर्गत पाँच जना विजेताले एक वर्षसम्म ५० एमबीपीएसको नि:शुल्क इन्टरनेट प्राप्त गर्ने बैंकले बताएको छ ।
यो क्याम्पेन युरोकप २०२१ आयोजना भएको जुन ११ देखि जुलाई ११ सम्म जारी रहनेछ । यसमा सहभागी हुन ग्राहकले मोबाइल मनी सेवा निरन्तर गरेको र मोबाइल मनीका प्रयोगकर्ताले एपमार्फत नगद ट्रान्सफर गरेको हुनुपर्नेछ ।
मोबाइल मनीको ‘फोन–पे डाइरेक्ट’ अन्तरबैंक नगद ट्रान्सफरबाट नगद ट्रान्सफर गर्दा प्रोमो कोड राख्ने ठाउँमा आफूले अनुमान गरेको युरोकप विजेता देशको नाम राख्नुपर्नेछ ।
क्यम्पेनको अवधिपछि युरोकप विजेता देशको सही अनुमान गर्ने ग्राहकमध्ये लक्की ड्रमार्फत पाँच जनालाई विजयी घोषणा गरिनेछ ।
प्रकाशित : असार १, २०७८ २०:५३