काठमाडौँ — सनराइज बैंक, मेगा बैंक नेपाल र नबिल बैंकले विभिन्न स्थानमा क्यूआर कोड भुक्तानी प्रणालीको सुरुवात गरेका छन् ।
सनराइज बैंकले विराटनगरको टेम्पो तथा ई–रिक्सामा क्यूआरबाट भाडा भुक्तानी सेवा सुरु गरेको छ ।
मेगा बैंकले पोखराका व्यावसायिक पसलमा क्यूआर कोड भुक्तानी प्रणाली थालेको छ ।
त्यस्तै नबिल बैंकले काठमाडौं धुम्बाराही तरकारी तथा फलफूल बिक्री केन्द्रमा क्यूआर भुक्तानी सुरु गरेको जनाएको छ ।
काठमाडौँ — नेपालमा केन्टको आधिकारिक बिक्रेता सीजी इलेक्ट्रोनिक्सअन्तर्गतको वितरक ईओएल प्रालिले नयाँ वर्षलक्षित अफर ल्याएको छ ।
केन्टले ‘स्वछ पानी, सुन्दर जिन्दगानी, साथमा थुप्रै उपहार पनि : यो नव वर्ष मनाऔं केन्ट आरओसँग सहर्ष’ भन्ने नारासहित यो योजना ल्याएको हो ।
यो योजनामा केन्टको आरओ मोडलको खरिदमा हरेक महिना एउटा एलजीको कन्भेक्सन माइक्रोवेभ ओभन, एलजीको रेफ्रिजेरेटर, एलजी एलईडी टीभी र तीन ओटा गोदरेज भाइरस सिल्ड जित्न सकिन्छ ।
योजनाको बम्पर लक्की ड्रमा होन्डा डियो डीएलएक्स स्कुटर जित्ने अवसर रहेको कम्पनीले जानकारी दिएको छ ।
प्रकाशित : चैत्र २४, २०७७ २१:३२
