बजारमा सामसङ ग्यालेक्सी एम १२
काठमाडौँ — सामसङले नेपाली बजारमा ग्यालेक्सी एम १२ ल्याएको छ ।
यो स्मार्टफोनमा ९० हर्ज रिफ्रेस रेट, ८एनएम एक्सेनस प्रोसेसर, ४८ मेगापिक्सेल क्यामेरा र ६ हजार एमएएच ब्याट्री जस्ता विशेषता छन् ।
साथै एम १२ मा १५ वाटको फास्ट चार्जिङ र ६.५ इन्चको डिस्प्ले छ । यसको ३.२ कोरले राति र प्राकृतिक मोडका लागि छुट्टै दृश्यको अनुभव प्रदान गर्ने कम्पनीले जानकारी दिएको छ ।
यो कालो, नीलो र सेतो रङमा उपलब्ध हुनेछ । ४ जीबी र्याम र ६४ जीबी रोमको १८ हजार ४ सय ९९ रुपैयाँ पर्नेछ । ६ जीबी र्याम र १२८ रोमको २२ हजार ४ सय ९९ रुपैयाँ पर्ने कम्पनीले जनाएको छ ।
प्रकाशित : चैत्र १३, २०७७ २०:२९प्रतिक्रिया