कुलप्याडका ‘कुल १०’ र ‘कुल एस’

नेपालका लागि कुलप्याड मोबाइलको आधिकारिक आयातकर्ता तथा वितरक कम्पनी एसडी इन्टरनेसनल प्रालिले शुक्रबार एक कार्यक्रमबीच कुल १० र कुल एस गरी दुई मोडलका स्मार्टफोन बजारमा ल्याएको हो । कुल १० स्मार्टफोनमा ६.५२ इन्चको वाटरड्रप नोच डिस्प्ले डिजाइन छ ।

१६ मेगापिक्सेलको मुख्य क्यामेरा र सेल्फीका लागि ८ मेगापिक्सेलको एआई क्यामेरा राखिएको छ । यसमा ५ हजार एमएएच ब्याट्री प्याक, लाइट सेन्सर, प्रोक्सिमिटी सेन्सर, साइड फिंगर प्रिन्ट र फेस अनलकजस्ता विशेषता रहेको कम्पनीले जानकारी दिएको छ ।

यो ४ जीबी र्‍याम र ६४ जीबी स्टोरेज अप्सनमा उपलब्ध छ । यो फोनको बजार मुल्य १६ हजार ५ सय ९५ रुपैयाँ तोकिएको छ । त्यस्तै कुल एसमा स्मार्टफोनमा ६.५२ इन्चको कर्नर पन्चहोल फुलएचडी प्लस डिस्प्ले, मुख्य क्यामेरा ४८ मेगापिक्सेल जस्ता विशेषता छन् ।

यो हेलियो पी ६० प्रोसेसरका साथ ४ जीबी र्‍याम र १२८ जीबी स्टोरेज अप्सन छ । यसको बजार मूल्य २२ हजार ५ सय ९५ रुपैयाँ रहेको कम्पनीले जनाएको छ ।