सांग्रिला र अर्थोपेडिक हस्पिटलबीच कर्जा सम्झौता- बजार - कान्तिपुर समाचार
कान्तिपुर वेबसाईट
AdvertisementAdvertisement

सांग्रिला र अर्थोपेडिक हस्पिटलबीच कर्जा सम्झौता

कान्तिपुर संवाददाता

काठमाडौँ — सांग्रिला डेभलपमेन्ट बैंक गोकर्णेश्वर नगरपालिका र नारायणटारस्थित नेपाल अर्थोपेडिक हस्पिटलबीच कर्जा प्रदान गर्ने सम्बन्धमा सम्झौता भएको छ ।

सम्झौताअनुसार हस्पिटलमा आबद्ध चिकित्सक तथा स्थायी कर्मचारीलाई बैंकले १५ लाख रुपैयाँसम्मको प्रोफेसनल कर्जा लगानी गर्नेछ । साथै बैंकका सेवाग्राही, खातावाल, संस्थापक सेयरधनी, कर्मचारी तथा कर्मचारीका परिवारजनलाई हस्पिटलमा उपचार गराउँदा छुट प्रदान गर्ने पनि सम्झौता भएको छ ।

बैंकका प्रमुुख जोखिम अधिकृत निर्मलकुमार श्रेष्ठ र हस्पिटलका मेडिकल डाइरेक्टर डा. युवराज खरेलले सम्झौतापत्रमा हस्ताक्षर गरे ।

प्रकाशित : पुस २६, २०७७ १०:४६
प्रतिक्रिया
पठाउनुहोस्

बाँकेमा उपचाररत थप दुई संक्रमितको मृत्यु

रूपा गहतराज

नेपालगन्ज — बाँकेमा उपचाररत थप दुई कोरोना संक्रमितको मृत्यु भएको छ । जिल्ला कोभिड– १९ संकट व्यवस्थापन केन्द्रका अनुसार रोल्पा र दाङका एक–एक महिलाको कोरोना मृत्यु भएको हो ।


रोल्पा, लिवाङकी ४२ वर्षीया र दाङको बबईकी ८० वर्षीया महिलाको आइतबार बिहान मृत्यु भएको केन्द्रले जनाएको छ । रोल्पाकी महिलालाई पुस २५ गते कोहलपुर मेडिकल कलेजमा उपचारका लागि ल्याइएकोमा आइतबार बिहान ३:३० बजे मृत्यु भएको हो ।

त्यस्तै दाङकी महिलालाई पुस ९ गते कोहलपुर मेडिकल कलेजमा ल्याइएकोमा भोलिपल्ट कोरोना पुष्टि भएपछि भेरी अस्पताल नेपालगन्ज लगिएको थियो । उनको आइतबार बिहान ६:३० बजे मृत्यु भएको अस्पतालले जनाएको छ ।

यससँगै बाँकेमा बाहिरी जिल्लाबाट उपचार गराउन आउँदा मृत्यु भएका संक्रमितको संख्या ८२ पुगेको छ ।

प्रकाशित : पुस २६, २०७७ १०:४०
पूरा पढ्नुहोस्
प्रतिक्रिया
पठाउनुहोस्
×