काठमाडौँ — एनसेल आजियाटाले त्रिभुवन अन्तर्राष्ट्रिय विमानस्थलको अराइभल सेक्सनमा आफ्नो नयाँ एनसेल सेन्टर सुरु गरेको छ ।
एनसेलले कोभिड–१९ को समयमा सरकारद्वारा निर्धारित स्वास्थ्य सुरक्षाका मापदण्ड पालना गर्दै सेन्टर सञ्चालनमा ल्याइएको कम्पनीले जनाएको छ ।
सेन्टरबाट ग्राहकले एनसेलका सेवा तथा सुविधाहरूबारे सोधपुछ, सिम खरिद, इन्टरनेट सेटिङबारे जानकारी लिन सक्छन् ।
बागलुङ — जिल्ला अदालत बागलुङले किर्ते नागरिकता सिफारिस गरेको आरोपमा वडाध्यक्षसहित पाँच जनालाई पक्राउ पुर्जी जारी गरेको छ । अभिभावक फेरेर एकै व्यक्तिले दोहोरो नागरिकता लिँदा किर्ते कागजात बनाएको प्रमाणित भएपछि अदालतले पक्राउ पुर्जी दिएको हो ।
बागलुङ नगरपालिका–४ का अध्यक्ष ध्रुवबहादुर केसीसहित ५ जनालाई पक्राउ गर्न अदालतले बिहीबार पुर्जी दिए पनि केसी पक्राउ परेका छैनन् । वडा सचिव प्रेमबहादुर खड्का र किर्ते नागरिकताका लागि साक्षी बसेका ३० वर्षीय सन्तोष आचार्य मात्र पक्राउ परेका छन् । अन्यको खोजी भइरहेको प्रहरी उपरीक्षक लोकेन्द्र श्रेष्ठले बताए ।
बागलुङ–६ का पंकज सापकोटाले दुई वर्षअघि वडा नं. ४ बाट अभिभावकसमेत फेरेर किर्ते नागरिकता बनाएको खुलेको थियो । उजुरीपछि सापकोटालाई गत मंगलबार प्रहरीले पक्राउ गरेको थियो । सापकोटाको बयानपछि अदालतले सापकोटाका बाबु गुरुदत्त र स्थानीय महेन्द्र सापकोटालाई पनि पक्राउ पुर्जी जारी गरेको छ ।
प्रकाशित : मंसिर १२, २०७७ ०९:३३
