दराज ११.११ सेलले बनायो रेकर्ड
काठमाडौँ — अनलाइन बजार दराजको ‘दराज ११.११ सेल’ ले पछिल्लो वर्षको रेकर्ड तोडेको छ ।
दराज ११.११ सेल सुरु भएको पहिलो एक घण्टाभित्र २ करोड २२ लाख रुपैयाँको बिक्री दर्ता गरेको छ । कम्पनीका अनुसार यो गतवर्षको तुलनामा ६० प्रतिशत बढी हो ।
दराजको यो सेलमा करिब ५ लाख प्रयोगकर्ताको उपस्थिति थियो । सात हजारभन्दा बढी विक्रेताले विभिन्न २८ सहरमा व्यापार गरेका थिए ।
त्यस्तै वालेट र कार्डमार्फत गरिने अनलाइन पेमेन्टमा समेत गत वर्षको तुलनामा ४५ प्रतिशत वृद्धि भएको दराजले जानकारी दिएको छ ।
प्रकाशित : मंसिर ३, २०७७ १०:२२