सोलुखुम्बुमा टेलिकमको सेवा
काठमाडौँ — नेपाल टेलिकमले सोलुखुम्बुको ताक्सिन्दु र जुभुमा जीएसएम मोबाइल सेवा सञ्चालनमा ल्याएको छ ।
साथै ओखलढुंगाको रुम्जाटार विमानस्थलमा रहेको ग्राहक सेवा केन्द्र पनि सञ्चालनमा ल्याएको छ । ताक्सिन्दु र जुभुमा असोज २९ देखि जीएसएम मोबाइल सेवा सञ्चालनमा आएसँगै यस क्षेत्रका ग्राहकलाई थप सुविधा पुग्ने टेलिकमले जनाएको छ ।
यसअघि उक्त क्षेत्रमा कम्पनीको स्काई मोबाइल सेवा उपलब्ध थियो ।
प्रकाशित : कार्तिक ६, २०७७ ०९:३८