सिटिजन्सले तिनाउलाई प्राप्ति गर्ने- बजार - कान्तिपुर समाचार
कान्तिपुर वेबसाईट
AdvertisementAdvertisement

सिटिजन्सले तिनाउलाई प्राप्ति गर्ने

कान्तिपुर संवाददाता

काठमाडौँ — सिटिजन्स बैंक इन्टरनेसनलले तिनाउ मिसन डेभलपमेन्ट बैंकलाई प्राप्ति गर्नेसम्बन्धी सम्झौता भएको छ । 

बुटवलस्थित तिनाउको प्रधान कार्यालयमा शनिबार आयोजित कार्यक्रममा बैंकका तर्फबाट सञ्चालक तथा मर्जर तथा प्राप्ति समितिका संयोजक प्रबलजंग पाण्डे र तिनाउ मिसन डेभलपमेन्ट बैंक लिमिटेडका तर्फबाट सञ्चालक तथा मर्जर तथा प्राप्ति समितिका संयोजक राजेन्द्रप्रसाद ओझाले सम्झौतापत्रमा हस्ताक्षर गरे ।

सिटिजन्सले तिनाउलाई प्राप्ति गरेपछि सर्वसाधारणबाट उठाएको निक्षेप करिब १ खर्ब १५ अर्ब रुपैयाँ हुनेछ । सर्वसाधारणलाई दिएको ऋण लगानी भने करिब ९८ अर्ब रुपैयाँ हुनेछ ।

प्रकाशित : कार्तिक २, २०७७ १५:१६
प्रतिक्रिया
पठाउनुहोस्

सुख्खा पहिरोले कालीगण्डकी करिडोर अवरुद्ध

घनश्याम गौतम

रूपन्देही — कालीगण्डकी करिडोरमा सुख्खा पहिरो झरेपछि शनिबार रातिदेखि सडक अवरुद्ध भएको छ । करिडोरको हर्मिचौर-बाग्लुङ खण्डको कालीगण्डकी गाउँपालिका ४ र ६ जोड्ने गौडी खोला माथिबाट पहिरो खसेको हो ।

पहिरोले नेपाली सेनाले झण्डै १ करोड रुपैयाँमा निर्माण गरेको बेली ब्रिज पूर्ण रुपमा क्षति भएको छ । त्यस्तै, उत्तर दक्षिण कालीगण्डकी करिडोर डिभिजन कार्यालय पाल्पाद्वारा निर्माण भइरहेको झण्डै ४ करोड लागतको पक्की पुलमा पनि क्षति पुगेको छ ।


सडक निर्माण गरिरहेको नेपाली सेनाको कालीगडण्डकी सडक निर्माण कार्यलदका प्रमुख सेनाली (कर्णेल) रेश्मीराज भट्टराईका अनुसार पहिराले सेनाले करिडोर सञ्चालनका लागि २०७३ सालमा निर्माण गरेको २४ मिटर लम्बाइ र ८० फिट उचाइको बेली ब्रिज पूर्णरुपमा क्षति भएको छ । ‘अब त्यही पुल काम लाग्दैन्,’ उनले भने, ‘पहिरोले क्षतविक्षत भएको पुललाई खोलाले बगाएर केही तल पुर्‍याएको छ ।’ पहिरोले खोलालाई झण्डै १ घण्टा थुनेको थियो ।

पहिरोले बेली ब्रिजको २० मिटर नजिकै निर्माण गरिरहेको करिडोरकै पक्की पुलमा पनि क्षति पुर्‍याएको छ । पुलको ९८ प्रतिशत काम सकिएको निर्माण व्यवसायी भागवत गिरीले बताए । ‘निर्माण सकेर हस्तान्तरणको तयारीमा थियौं,’ उनले भने, ‘पुलकै माथिबाट खसेको सुख्खा पहिरोले क्षति पुर्‍याएको छ ।’


पुल निर्माणको करिडोर कार्यालय पाल्पाले अनुगमन गरेपछि मात्र पूर्ण क्षतिको विवरण आउने उनले बताए । पहिरोले दुवै पुलमा क्षति पुर्‍याएपछि करिडोरमा आवतजावत बन्द भएको छ । सडक खुल्न कम्तीमा दुई दिन लाग्ने सेनाले जनाएको छ ।

प्रकाशित : कार्तिक २, २०७७ १५:०४
पूरा पढ्नुहोस्
प्रतिक्रिया
पठाउनुहोस्
×