सेती जलविद्युत्को मुख्य लगानीकर्ता एनएमबी
काठमाडौँ — एनएमबी बैंक सेती नदी जलविद्युत् आयोजनाको मुख्य लगानीकर्ता भएको छ ।
गण्डकीको कास्कीमा रहेको माछापुच्छ्रे गाउँपालिकामा निर्माणाधीन जलविद्युत् परियोजना भिजन लुम्बिनी ऊर्जा कम्पनी लिमिटेडले निर्माण गरिरहेको छ । यो परियोजनामा अगुवा बैंक एनएमबी छ भने सहवित्तीयकरणमा सहभागी अन्य बैंक तथा वित्तीय संस्थामा कर्मचारी सञ्चय कोष र कृषि विकास बैंक छन् ।
२५ मेगावाट क्षमताको आयोजनाको कुल लागत ५ अर्ब रुपैयाँ छ । यसमध्ये बैंकहरूको कुल लगानी ३ अर्ब ५० करोड रुपैयाँको हुनेछ ।
प्रकाशित : आश्विन ३०, २०७७ २२:०६प्रतिक्रिया