उदयपुरको त्रियुगामा कांग्रेसको अग्रता

मतदान विवादका कारण निर्वाचन सम्पन्न भएको ११ दिनपछि सुरु भएको मतगणनाको पछिल्लो नजिताअनुसार कांग्रेसका बस्नेतले ३ हजार ८ सय ३१ मत प्राप्त गरेका छन् । उनलाई नेकपा (एकीकृत समाजवादी)का उम्मेदवार बलदेव चौधरीले ३ हजार ७ सय ८३ मतसहित पछ्याइरहेका छन् । तेस्रो स्थानमा रहेका एमाले उम्मेदवार भागवत राउतले २ हजार ८ सय ३० मत प्राप्त गरेको मुख्या निर्वाचन अधिकृतको कार्यालयले जनाएको छ ।

त्यसैगरी उपमेयरमा कांग्रेसकी सरिता राईले ३ हजार ४ सय ८६ मत लिएर अग्रता स्थान कायम गरेकी छन् । उनी सुरुदेखि नै अगाडि नै थिइन् । एमालेकी महेश्वरी राईले ३ हजार १ सय २५ मतका साथ पछ्याइरहेकी छन् भने तेस्रो स्थानमा माओवादी केन्द्रकी गीता खड्का कार्कीले ३ हजार ७९ मत ल्याएकी छन् ।

१६ वडा रहेको त्रियुगा नगरपालिकामा अहिलेसम्म १, २, १४,१५ र १६ वडाको मतगणना सम्पन्न भई परिणामसमेत सार्वजनिक भइसकेको सहायक निर्वाचन अधिकृत दिलीप मगरले बताए । मतगणना स्रम्पन्न भएका वडामा क्रमश: मनोज चौधरी कांग्रेस, घमानसिंह खत्री एमाले, हिमराज मगर माओवादी, गणेशप्रसाद तिमल्सिना माओवादी र मानबहादुर राई माओवादी वडाध्यक्षमा निर्वाचित भएको सहायक निर्वाचन अधिकृत मगरले बताए ।

यहाँ ६० हजार मतदाता रहेकोमा ४१ हजार ८ सय ९८ मत खसेको छ । अहिलेसम्म १२ हजार १५ मतमात्रै गणना गरिसकिएको छ ।