कपिलवस्तुको महाराजगंज नगरपालिकामा अब्दुल कलाम र रिताकुमारी विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

कपिलवस्तुको महाराजगंज नगरपालिकामा अब्दुल कलाम र रिताकुमारी विजयी

मनोज पौडेल

कपिलवस्तु — जिल्लाको महाराजगंज नगरपालिका प्रमुख र उपप्रमुखमा कांग्रेस उम्मेदवार विजयी भएका छन् । नगर प्रमुखमा कांग्रेस जिल्ला सभापति रहेका अब्दुल कलामले नेकपा एमालेका रामदास चौधरीलाई एक हजार ५३२ मतान्तरले पराजित गरे । कलाम १० हजार २०० मत ल्याई विजयी बनेका छन् । उनका निकटतम प्रतिस्पर्धी चौधरीले ८ हजार ६६८ मत ल्याएका थिए ।

त्यस्तै उपप्रमुखमा कांग्रेसकी रीताकुमारी कुर्मी विजयी भएकी छन् । उनले ११ हजार १६७ मत ल्याई विजयी भएका हुन् । उनका निकटतम प्रतिद्वन्द्वी एमालेकी भानमति यादवले ७ हजार २०० मत ल्याएकी थिइन् । कांगेसका उपप्रमुख उम्मेदवारको मृत्यु भएपछि यहाँ वैशाख ३० गते तोकिएको निर्वाचन स्थगित भएको थियो । यहाँ जेठ ३ गते निर्वाचन हुँदा परिणाम ढिलो आएको हो । जिल्लामा यो कांग्रेसको चौथौं जित हो । योसँगै जिल्लाको सबै १० स्थानीय तहको परिणाम आइसकेको छ ।

प्रकाशित : जेष्ठ ११, २०७९ १८:४४
प्रतिक्रिया
पठाउनुहोस्

महँगीको विरोधमा धनकुटामा प्रदर्शन

रमेशचन्द्र अधिकारी

धनकुटा — सरकारले निरन्तर मूल्यवृद्धि गरेको भन्दै अनेरास्ववियु र युवा संघ नेपालले बुधबार धनकुटामा संयुक्तरुपमा विरोध प्रदर्शन गरेका छन् । सरकारले सातामा दुई पटकसम्म पेट्रोलियम पदार्थको मूल्यवृद्धि गरेको छ । मूल्यवृद्धिका कारण सर्वसाधारणलाई सास्ती भएकोले तत्काल मूल्य घटाउनु पर्ने उनीहरुले माग गरेका छन् ।

विरोध र्‍यालीले धनकुटा बजारका विभिन्न स्थान परिक्रमा गर्दै जिल्ला प्रशासन कार्यालयमा ज्ञापनपत्र बुझाइएको अनेरास्ववियुका जिल्ला अध्यक्ष वसन्त राईले बताए । प्रमुख जिल्ला अधिकारी युवराज कटेलले प्राप्त ज्ञापनपत्र सम्बन्धित निकायमा पठाउने बताए ।

र्‍यालीपछि आयोजित कोणसभामा युवा संघका जिल्ला अध्यक्ष प्रवीण पोखरेल, अनेरास्ववियुका जिल्ला अध्यक्ष राई, धनकुटा क्याम्पस इकाई अध्यक्ष बालकृष्ण बस्नेतलगायतले मूल्यवृद्धि घटाउन र नागरिकप्रति जिम्मेवार बन्न सरकारको ध्यानाकर्षण गराएका थिए । जनताको ढाड सेक्ने गरी गरिएको ज्यादतीपूर्ण कार्यप्रति सरकारको ध्यानाकर्षण नभए सशक्त आन्दोलनमा उत्रने उनीहरुको चेतावनी छ ।

प्रकाशित : जेष्ठ ११, २०७९ १८:१७
पूरा पढ्नुहोस्
प्रतिक्रिया
पठाउनुहोस्
×