त्रियुगा नगरपालिकाको मतगणना सुरु
उदयपुर — विवादका कारण रोकिएको त्रियुगा नगरपालिकाको मतगणना सुरु भएको छ । त्रियुगा नगरपालिका – १२ जनप्रेमी आधारभूत विद्यालय मतादान केन्द्रको मतदान प्रक्रिया सकिनै लाग्दा वैशाख ३० गते विवाद भएको थियो ।
विवादका करण स्थागित रहेको मतगणना मंगलबार १ बजेबाट सुरु भएको छ । सोमबार निर्वाचन आयोगले मतगणना गर्ने निर्णय गरेसँगै मतगणना सुरु गरिएको प्रमुख निर्वाचन अधिकृत उत्तम सिलवालले वताए ।
६० हजार ४६ मतदाता रहेको त्रियुगा नगरपालिकामा ४१ हजार ८ सय ८८ मत खसेको थियो। वडा नम्वर १ बाट मतगणना कार्य प्रराम्भ गरिएको सहायक निर्वाचन अधिकृत दिलिप मगरले बताए ।
प्रकाशित : जेष्ठ १०, २०७९ १३:५३प्रतिक्रिया