रौतहटको वृन्दावन नगरपालिकामा ५ वडासहित मेयर/उपमेयरमा नेकपा एस विजयी- स्थानीय तह निर्वाचन २०७९ - कान्तिपुर समाचार

रौतहटको वृन्दावन नगरपालिकामा ५ वडासहित मेयर/उपमेयरमा नेकपा एस विजयी

शिव पुरी

रौतहट — रौतहटको वृन्दावन नगरपालिकाको नगरप्रमुखमा नेकपा एकीकृत समाजवादी पार्टीका रामविनोदप्रसाद कुर्मी ६ हजार १ सय १२ मतसहित विजयी भएका छन् ।

कुर्मीले निवर्तमान नगरप्रमुख नेपाली कांग्रेसका उम्मेदवार रामस्नेही राय यादवलाई १ हजार ४ सय ३४ मतले पराजित गरेका हुन् । यादवले ४ हजार ६ सय ७८ मत पाए ।

उउपप्रमुखमा एकीकृत समाजवादीकै संगीताकुमारी राम ५ हजार ७ सय ७२ मत पाई विजयी भएकी छन् । उनले नेपाली कांग्रेसका सैबुन खातुनलाई १ हजार ८४ मतले पराजित गरेकी हुन् । खातुनले ४ हजार ६ सय ८८ मत पाइन् ।

९ वडा रहेको वृन्दावनमा नेपाली कांग्रेसले एक सिट पनि जित्न सकेन । वडा नम्बर १,६,७,८ र ९ एकीकृत समाजवादीले जितेको छ । २, ४ र ५ माओवादी र ३ नम्बर वडामा एमाले उम्मेदवार अध्यक्षमा विजयी भएका छन् ।

प्रकाशित : जेष्ठ ९, २०७९ १४:५९
प्रतिक्रिया
पठाउनुहोस्

रौतहटको यमुनामाई गाउँपालिकामा लोसपा विजयी

शिव पुरी

रौतहट — रौतहटको यमुनामाई गाउँपालिकाको अध्यक्ष र उपाध्यक्ष दुवै लोसपाका उम्मेदवार विजयी भएका छन् । अध्यक्षमा लोसपाका महमद साउद २ हजार ९ सय २९ मत पाई विजयी भएका छन् । उनका निकटतम प्रतिद्वन्द्वी नेकपा माओवादी केन्द्रका भगतनारायण यादवलाई ९ सय ३५ मतान्तरले पराजित गर्दै साउद विजयी भएका हुन् । यादवले १ हजार ९ सय ९४ मत पाएका छन् ।

निर्वाचन अधिकृत हरिप्रसाद शर्माका अनुसार उक्त गाउँपालिकाको उपाध्यक्ष पदका उम्मेदवार अनुराधा कुमारीले २ हजार ५ सय ३ मत ल्याई विजयी भएकी छन् । उनले नेकपा माओवादी केन्द्रकी सिमाकुमारी पटेललाई ५ सय ३२ मतान्तरले पराजित गरेकी हुन् । पटेलले १ हजार ९ सय ७१ मत पाइन् ।

पाँच वटा वडाहरु रहेको यमुनामाईको वडा नम्बर १ र ४ मा नेकपा माओवादीका वडाअध्यक्षहरु विजयी भएका छन् । वडा २ मा कांग्रेस, ३ मा एकीकृत समाजवादी र ५ मा नेकपा एमालेका वडाअध्यक्ष विजयी भएको निर्वाचन अधिकृतको कार्यालयले जनाएको छ ।

१८ वटा पालिका रहेको रौतहटमा अहिलेसम्म १२ वटाको मतगणना सकिएको छ । गरुडा, देवाहीगोनाही, फतुवाविजयीपुर, बौधीमाई, वृन्दावन र गढीमाई नगरपालिकाको मतगणना जारी छ ।

प्रकाशित : जेष्ठ ९, २०७९ ०५:५३
पूरा पढ्नुहोस्
प्रतिक्रिया
पठाउनुहोस्
×