पाँचखाल नगरपालिका प्रमुखमा कांग्रेसका खरेल र उपप्रमुखमा एमालेकी दनुवार विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

पाँचखाल नगरपालिका प्रमुखमा कांग्रेसका खरेल र उपप्रमुखमा एमालेकी दनुवार विजयी

नगेन्द्र अधिकारी

काभ्रे — पाँचखाल नगरपालिकाको प्रमुखमा कांग्रेस र उपप्रमुखमा एमालेका उम्मेदवार विजयी भएका छन् । निवर्तमान नगर प्रमुख महेश खरेल नै कांग्रेसका तर्फबाट पुन: निर्वाचिन भएका हुन् । उपप्रमुखमा एमालेकी सूर्यमाया दनुवार निर्वाचित भएकी हुन् ।

प्रमुखमा विजयी खरेलले निकटतम प्रतिस्पर्धी एमालेका कञ्चन अधिकारीलाई ४ हजार ७ सय २१ मतको फराकिलो अन्तरले पराजित गरेका हुन् ।खरेलले १२ हजार ८ सय ३६ र अधिकारीले ८ हजार १ सय १५ मत प्राप्त गरेका छन् ।

उपप्रमुखमा निकटतम प्रतिस्पर्धीलाई मतले पछि पार्दै एमालेकी सूर्यमाया दनुवार निर्वाचित भइन् । उनले आफ्ना निकटतम प्रतिस्पर्धी माओवादी केन्द्रका चेतप्रसाद गौतमलाई ५ सय २४ मतान्तरले पछि पार्दै विजयी भएकी हुन् । उनले ९ हजार ५ सय ३४ र गठबन्धनका तर्फबाट माओवादी केन्द्रका उम्मेदवार चेतप्रसाद गौतम (मणि)ले ९ हजार १० मत प्राप्त गरेका छन् ।

कांग्रेसले वडा नं २, ३, ४, ७, ८, ११, १२ र १३, एमालेले वडा नं ५, ९ र १०, माओवादी केन्द्रले वडा नं १ र एकीकृत समाजवादीका उम्मेदवार वडा नं ६ मा विजयी भएका छन् ।

प्रकाशित : जेष्ठ ९, २०७९ ०६:४७
प्रतिक्रिया
पठाउनुहोस्

युक्रेनले डोन्बासमा युद्धविराम नगर्ने

एजेन्सी

किभ — युक्रेनले डोन्बास क्षेत्रमा युद्धविराम गर्न अस्वीकार गरेको छ । रुसले पछिल्ला दिनमा पूर्वी क्षेत्र डोन्बासमा आक्रमण तीव्र पारिरहेको भए पनि युक्रेनले युद्धविराम गर्न अस्वीकार गरेको हो ।

युक्रेनी राष्ट्रपति भ्लोदिमिर जेलेन्स्कीका सल्लाहकार मिखाइलो पोडोल्याकले किभले मस्कोसँग कुनै सम्झौता स्वीकार नगर्ने स्पष्ट पारेका हुन् ।

रुसले युक्रेनको बन्दरगाह सहर मरिउपोलमाथि नियन्त्रण कायम गरेपछि डोन्बासका दुई क्षेत्रमध्ये लुहान्स्कमा आक्रमण बढाएको हो ।

प्रकाशित : जेष्ठ ९, २०७९ ०६:४५
पूरा पढ्नुहोस्
प्रतिक्रिया
पठाउनुहोस्
×