सप्तरीको डाक्नेश्वरीमा एमाले विजयी- स्थानीय तह निर्वाचन २०७९ - कान्तिपुर समाचार

सप्तरीको डाक्नेश्वरीमा एमाले विजयी

अवधेशकुमार झा

राजविराज — सप्तरी जिल्लाको डाक्नेश्वरी नगरपालिकाको नगरप्रमुखमा नेकपा एमालेका रामलखन मलाह निर्वाचित भएका छन् । यस्तै नगर उपप्रमुखमा पनि एमालेकी मिराकुमारी यादव निर्वाचित भएकी छन् । 

अन्तिम मत परिणामअनुसार नगर प्रमुखमा निर्वाचित एमालेका मलाहले ५ हजार ८ सय ५४ मत प्राप्त गरेका छन् । उनका निकटतम प्रतिद्वन्द्वी नेपाली कांग्रेसका नारायण यादवले ५ हजार ३ सय ९६ मत प्राप्त गरे ।

यस्तै नगर उपप्रमुखमा निर्वाचित एमालेकी मिराकुमारी यादवले ६ हजार १ सय ९७ मत प्राप्त गरेकी छन् । निकटतम प्रतिद्वन्द्वी जसपाकी इन्दुदेवी यादवले ५ हजार २ सय ९ मत प्राप्त गरेकी छन् ।

डाक्नेश्वरीको नतिजासमेत सप्तरीमा कुल १८ मध्ये १७ स्थानीय तहको मतगणना सकिएको छ । रुपनी गाउँपालिकाको मतगणनासमेत अन्तिम चरणमा रहेको मुख्य निर्वाचन अधिकृतको कार्यालयले जनाएको छ ।

प्रकाशित : जेष्ठ ८, २०७९ १५:०२
प्रतिक्रिया
पठाउनुहोस्

हरिनगर गाउँपालिकामा कांग्रेस विजयी

कान्तिपुर संवाददाता

सुनसरी — सुनसरीको हरिनगर गाउँपालिका प्रमुखमा नेपाली कांग्रेस उम्मेदवार गफार अंसारी मिया ६ हजार १ सय ७२ मत ल्याई विजयी भएका छन् ।

उनले निकटतम प्रतिद्वन्द्वी नेपाल कम्युनिष्ट पार्टी (एमाले) उम्मेदवार लस्करी अंसारीलाई १, हजार १८ मतान्तरले पराजित गरेका हुन् । पराजित लस्करी अंसारीले ५ हजार १ सय ५४ मत ल्याएका छन् ।

यस्तै, उपाध्यक्षमा नेपाली कांग्रेसकी उम्मेदवार रिमझिमकुमारी भगत ६ हजार २ सय १३ मतसहित विजयी भएकी छन् । उनकी निकटतम प्रतिद्वन्द्वी नेपाल कम्युनिष्ट पार्टी (एमाले)की उम्मेदवार कोशीलाकुमारी साहुले ५ हजार ४ सय ७ मत ल्याएकी छन् ।

प्रकाशित : जेष्ठ ८, २०७९ १४:४५
पूरा पढ्नुहोस्
प्रतिक्रिया
पठाउनुहोस्
×