धनुषाको क्षिरेश्वरनाथको मेयरमा एमालेका यादव, उपमेयरमा कांग्रेसकी श्रेष्ठ विजयी- स्थानीय तह निर्वाचन २०७९ - कान्तिपुर समाचार

धनुषाको क्षिरेश्वरनाथको मेयरमा एमालेका यादव, उपमेयरमा कांग्रेसकी श्रेष्ठ विजयी

कान्तिपुर संवाददाता

काठमाडौँ — धनुषाको क्षिरेश्वरनाथ नगरपालिकाको मेयरमा एमालेका सुखदेव यादव र उपमेयरमा कांग्रेसकी रचना श्रेष्ठ विजयी भएका छन् । क्षिरेश्वरनाथ नगरपालिका प्रमुखमा नेपाल कम्युनिष्ट पार्टी (एमाले) उम्मेदवार सुखदेव यादव ७ हजार ९ सय १३ मत ल्याई विजयी भएका हुन् ।

यादवले निकटतम प्रतिद्वन्द्वी नेपाली कांग्रेस उम्मेदवार योगेन्‍द्र पजियारलाई ६ सय १३ मतान्तरले पराजित गरेका हुन् । पराजित योगेन्‍द्र पजियारले ७ हजार ३ सय मत ल्याएका छन् ।

यस्तै, उपप्रमुखमा नेपाली कांग्रेसकी उम्मेदवार रचना श्रेष्‍ठ ७ हजार ५ सय ५० मतसहित विजयी भएकी छन् । उनकी निकटतम प्रतिद्वन्द्वी नेपाल कम्युनिष्ट पार्टी (एमाले)की उम्मेदवार सालिनी चौधरीले ७ हजार ५ सय ११ मत ल्याएकी छन् ।

प्रकाशित : जेष्ठ ८, २०७९ १४:१४
प्रतिक्रिया
पठाउनुहोस्

जुम्ला आउँदै गरेको एम्बुलेन्स दुर्घटना

सबै यात्रु सकुशल
डीबी बुढा

जुम्ला — जुम्लाको कनकासुन्दरी गाउँपालिकामा एम्बुलेन्स दुर्घटनामा परेको छ  । गोठी जीउलादेखि जुम्ला सदरमुकाम खलंगा आउँदै गरेको एम्बुलेन्स दुर्घटनामा परेको छ । एम्बुलेन्समा सवार पाँचै जना यात्रु सकुशल छन् ।

एम्बुलेन्स गोठी जीउलादेखि बिरामी लिएर कर्णाली स्वास्थ्य विज्ञान प्रतिष्ठान जुम्ला आउँदै थियो । क १ झ १५ नम्बरको एम्बुलेन्स दुर्घटना परेको जिल्ला प्रहरी कार्यालय जुम्लाले जनाएको छ ।

प्रहरीका अनुसार बाटो फराकिलो भए पनि चालकको लपारबाहीले एम्बुलेन्स दुर्घटना भएको हो । बिहान नौ बजे जुम्ला जाने क्रममा कनकासुन्दरीको ५ नम्बर वडाको दाँते ओेखरमा गाडी रोकेर चालक बाहिर निस्केका थिए । गाडीमा रहेका यात्रुले गाडी हल्लाएपछि गाडी पछाडीबाट गुडेर दुर्घटना भएको चालक डम्मर बुढाले बताएका छन्।

कर्णाली राजमार्गको दाँते ओखरदेखि २० मिटर तल धानको बीउ राखेको खेतमा एम्बुलेन्स दुर्घटना भएको छ ।

प्रकाशित : जेष्ठ ८, २०७९ १४:१०
पूरा पढ्नुहोस्
प्रतिक्रिया
पठाउनुहोस्
×