कृष्णपुरको मेयर र उपमेयरमा कांग्रेस विजयी- स्थानीय तह निर्वाचन २०७९ - कान्तिपुर समाचार

कृष्णपुरको मेयर र उपमेयरमा कांग्रेस विजयी

भवानी भट्ट

कञ्चनपुर — कञ्चनपुरको कृष्णपुर नगरपालिकाको मेयर र उपमेयरमा नेपाली कांग्रेसका उम्मेदवार विजयी भएका छन । कृष्णपुरको मेयरमा कांग्रेसका उम्मेदवार हेमराज ओझा र उपमेयरमा द्रोपति राना विजयी भएका हुन् । 

मेयरमा निर्वाचित कांग्रेसका उम्मेदवार ओझाले १० हजार ३ सय ३४ मत प्राप्त गरेका छन् । उनका निकटतम प्रतिद्वन्द्वी माओवादी केन्द्रका जोगराज चौधरीले ८ हजार २ सय मत प्राप्त गरेका छन् । कृष्णपुर नगरपालिकामा एमालेका उम्मेदवार लोकेन्द्र पन्तले ६ हजार ४ सय ७४ मत पाएका छन् ।

कृष्णपुरको उपमेयरमा विजयी कांग्रेसकी द्रोपति रानाले ९ हजार ६ सय ७५ मत प्राप्त गरेकी छन् । उनकी निकटतम प्रतिद्वन्द्वी एमालेकी उम्मेदवार रमिता राना बडायकले ७ हजार ३ सय १६ मत प्राप्त गरिन् । उपमेयरमा माओवादी केन्द्र तेस्रो बनेको थियो । माओवादी केन्द्रकी उपमेयर उम्मेदवार गीता मल्लले ६ हजार ८ सय ५१ मत प्राप्त गरेकी छन् ।

प्रकाशित : जेष्ठ ८, २०७९ १२:१०
प्रतिक्रिया
पठाउनुहोस्

कञ्चनपुरमा जिप र मोटरसाइकल ठोक्किँदा दुई जनाको मृत्यु

भवानी भट्ट

कञ्चनपुर — पूर्व-पश्चिम राजमार्गअन्तर्गत शुक्लाफाँटा राष्ट्रिय निकुञ्जको अर्जुनी ब्यारेक नजिकै मोटरसाइकल र जिप ठोक्किदा दुई जनाको मृत्यु भएको छ । बेदकोट नगरपालिका ५ धरमपुरका गणेश बम र भुतेश बमको मृत्यु भएको जिल्ला ट्राफिक प्रहरी कार्यालय कञ्चनपुरले जनाएको छ ।

ट्राफिक प्रहरीका अनुसार शुक्रबार राति महेन्द्रनगरबाट धनगढीतर्फ गइरहेको से १ च ४४८ नम्बरको जिपले धनगढीबाट महेन्द्रनगरतर्फ आइरहेको म २ प ६८९३ नम्बरको मोटरसाइकललाई अर्जुनी नजिकै ठक्कर दिएको हो । जिप चालकलाई प्रहरीले नियन्त्रणमा लिएको छ । प्रहरीका अनुसार बमद्वयको सेती प्रादेशिक अस्पतालमा उपचारका क्रममा मृत्यु भएको हो ।

प्रकाशित : जेष्ठ ६, २०७९ २३:२४
पूरा पढ्नुहोस्
प्रतिक्रिया
पठाउनुहोस्
×