कपिलवस्तुको शुद्धोधन गाउँपालिका अध्यक्षमा लोसपा, उपाध्यक्षमा माओवादी विजयी- स्थानीय तह निर्वाचन २०७९ - कान्तिपुर समाचार

कपिलवस्तुको शुद्धोधन गाउँपालिका अध्यक्षमा लोसपा, उपाध्यक्षमा माओवादी विजयी

मनोज पौडेल

कपिलवस्तु — जिल्लाको शुद्धोधन गाउँपालिका अध्यक्ष र उपाध्यक्षमा दुई फरक पार्टीका उम्मेदवार विजयी भएका छन् । अध्यक्षमा लोकतान्त्रिक समाजवादी पार्टीबाट कमलेशशरण चौधरी विजयी भएका छन् ।

चौधरीले जनता समाजवादी पार्टीका निसारअहमद खाँलाई २ सय ९९ मतान्तरले पराजित गरे । चौधरीले ४ हजार ४ सय ८१ मत ल्याई विजयी बनेका हुन् । उनका निकटतम प्रतिद्वन्द्वी खाँले ४ हजार १ सय ८२ मत ल्याएका थिए ।

त्यस्तै, उपप्रमुखमा नेकपा माओजवादी केन्द्रका होमप्रकाश चौधरी विजयी भएका छन् । उनले ५ हजार १ सय ३ मत ल्याई विजयी भएका हुन् । उनका निकटतम प्रतिद्वन्द्वी जनमत पार्टीका चादनी चौधरीले ३ हजार २ सय २३ मत ल्याएकी छन् ।

जिल्लामा लोकतान्त्रिक समाजवादी पार्टी र नेकपा माओवादी केन्द्रको पहिलो जीत हो । जिल्लाको १० मध्ये ९ स्थानीय तहको परिणाम आइसकेको छ ।

प्रकाशित : जेष्ठ ८, २०७९ ११:०२
प्रतिक्रिया
पठाउनुहोस्

नवनिर्वाचित मेयरको निर्णय : स्वास्थ्य बिमा र सुत्केरीलाई निःशुल्क एम्बुलेन्स सेवा

हरि गौतम

रुकुम पश्चिम — चौरजहारी नगरप्रमुख पुष्प बादीले नगरभित्रका असहाय, अशक्त, सहिद परिवार र बादी समुदायको निःशुल्क बिमा गराइदिने निर्णय गरेका छन् । पदभार ग्रहणसँगै बादीले नगरभित्रका विपन्न नागरिकको स्वास्थ्य उपचारमा सघाउन भन्दै यो निर्णयमा हस्ताक्षर गरी पदभार ग्रहण गरे ।


यसका साथै नगरभित्रका सुत्केरीका लागि एम्बुलेन्स सेवा पनि निःशुल्क हुने भएको छ । पदभार ग्रहणका क्रममा ३ वटा निर्णयमा हस्ताक्षर गरेका बादीले सुत्केरीका लागि स्वास्थ्य संस्था पुर्‍याउने र सुत्केरी भइसकेपछि स्वास्थ्य संस्थाबाट घरसम्म पुर्‍याउने सेवा निःशुल्क हुने छ ।

यस्तै एक परिवारलाई आर्थिक सहायताको निर्णय पनि उनले गरेका छन् । ६ नम्बर वडाको एक परिवारलाई १० हजार आर्थिक सहायता गर्ने उनले निर्णय गरेका हुन् । यसैबीच आगलागीका कारण मृत्यु भएकी १९ दिने शिशु सुशीला रोकायको परिवारलाई १० हजार आर्थिक सहायता गर्ने गरी नगरप्रमुख बादीले हस्ताक्षर गरेका हुन् ।

‘अरु विकास निर्माणका साथै स्थानीय सरकारको महशुस हुने गरी केही निर्णय गरेर पदभार ग्रहण गरें,’ बादीले भने, ‘यसबाट नगरवासीको स्वास्थ्यमा ठूलो सहयोग पुग्छ भन्ने अपेक्षा गरेका छौं ।’ बादी उनको समुदायबाट निर्वाचित देशभरबाट एक मात्र नगप्रमुख हुन् ।

प्रकाशित : जेष्ठ ८, २०७९ १०:२९
पूरा पढ्नुहोस्
प्रतिक्रिया
पठाउनुहोस्
×