धनगढीको उपमेयरमा रोचक प्रतिस्पर्धा- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

धनगढीको उपमेयरमा रोचक प्रतिस्पर्धा

मोहन बुडाऐर

धनगढी — धनगढी उपमहानगरको उपमेयर पदमा प्रारम्भिक चरणदेखि अग्रता लिइरहेकी माओवादी केन्द्रकी शान्ति अधिकारीलाई एमालेकी उम्मेदवार कन्दकला रानाले उछिनेकी छन् ।

एमालेकी कन्दकला रानाले ९८ मतले पहिलोपटक अग्रता लिएकी छन् । मुख्य निर्वाचनको कार्यालय धनगढीले बिहान सार्वजनिक गरेको मतपरिणाम अनुसार रानाले १० हजार ८ सय ८० मतसहित अग्रता लिएकी हुन् ।

माओवादीकी अधिकारी १० हजार ७ सय २ मतसहित दोस्रो स्थानमा छिन् । उपमहानगरका ८, ९, १२, १३ र १४ वडाको मतगणना भइरहेको बेला एमालेकी राना अगाडि पुगेकी हुन् ।

उपमहानगरको ८ देखि १४ सम्मको वडामा राना समुदायकोको बसोवास बढी छ । वडा नम्बर ८ र ९ एमालेकी रानाको गृह वडा पनि हो । उपमहानगरको १३ वडाको गणना सम्पन्न भइसक्दा एमालेकी कन्दकलाले माओवादीकी अधिकारीलाई ५ देखि ७ सय कम मतले पन्छ्याउँदै आएकी थिइन् ।

अहिलेसम्म ५१ हजार ६५ बढी मत गणना भइसकेको छ । उपमहानगरका कुल मतदाता ९३ हजारमध्ये ६३ हजारले मतदान गरेका छन् । मेयरपदमा स्वतन्त्र उम्मेदवार गोपाल हमाल ११ हजार मतले अगाडि छन् । हमालले २२ हजार ५ सय ४१ मत प्राप्त गरेका छन् । नेपाली कांग्रेसका नृप बहादुर वडले ११ हजार ५ सय ४४ मत प्राप्त गरेका छन् । यस्तै एमालेका रण बहादुर चन्दले अहिलेसम्म ६ हजार ४ सय २३ मत पाएका छन् ।

प्रकाशित : जेष्ठ ७, २०७९ १८:०८
प्रतिक्रिया
पठाउनुहोस्

ललितपुरमा ११ हजार मतान्तरले चिरिबाबुको अग्रता

कान्तिपुर संवाददाता

काठमाडौँ — ललितपुर महानगरपालिकाको मेयर पदमा नेपाली कांग्रेसका चिरिबाबु महर्जनको अग्रता कायम छ । पछिल्लो मत परिणाम अनुसार महर्जनले २७२४२ मत ल्याउँदै अग्रता कायम गरेका छन् ।

उनका प्रतिस्पर्धी नेकपा एमालेका हरिकृष्ण व्यन्जनकार १५९८३ मत ल्याउँदै दोस्रो स्थानमा छन् । यस्तै राप्रपाबाट मेयरका उम्मेदवार बनेका अष्टबहादुर महर्जन भने २६१० मतसहित तेस्रो स्थानमा छन् ।

यस्तै उपमेयरमा एमालेकी मन्जली शाक्य बज्राचार्यले १५७६५ मत ल्याउँदै अग्रता कायम गरेकी छन् ।

उपमेयरमा माओवादी केन्द्रका बाबुराज बज्राचार्यले भने १०८३४ मत ल्याएका छन् । ललितपुर महानगरपालिकामा कुल जनसंख्या २,९९,८४३ रहेको छ भने कुल मतदाता संख्या १,२२,८९० रहेको छ । जसमा ५९,४५३ पुरुष र ६३,४३७ महिला रहेका छन् ।

यस महानगरपालिकामा २९ वडा छन् । जारी मतगणना अनुसार निवर्तमान मेयरसमेत रहेका महर्जनले एमालेका मेयरका उम्मेदवार व्यन्जनकारलाई ११ हजारभन्दा बढी मतान्तरले पछि पारेका छन् ।

प्रकाशित : जेष्ठ ७, २०७९ १७:५६
पूरा पढ्नुहोस्
प्रतिक्रिया
पठाउनुहोस्
×