धनुषाको सबैला नगरपालिकामा माओवादी विजयी
धनुषा — सबैला नगरपालिकाको मेयरमा नेपाल कम्युनिष्ट पार्टी (माओवादी केन्द्र) उम्मेदवार कारीराम यादव ४ हजार २ सय १२ मत ल्याई विजयी भएका छन् ।
उनले निकटतम् प्रतिद्वन्द्वी नेपाली कांग्रेस उम्मेदवार जगतसुन्दर साह मधुपलाई १ हजार ३६ मतान्तरले पराजित गरेका हुन् । पराजित जगत सुन्दर साह मधुपले ४ हजार ७६ मत ल्याएका छन् ।
यस्तै, उपमेयरमा नेपाल कम्युनिष्ट पार्टी (माओवादी केन्द्र)की उम्मेदवार रहिमा खातुन ४ हजार ६ सय ९९ मतसहित विजयी भएकी छन् । उनका निकटतम प्रतिद्वन्द्वी नेपाल कम्युनिस्ट पार्टी (एमाले)की उम्मेदवार किरणकुमारी कापरले ३ हजार ६ सय ४ मत ल्याएकी छन् ।
सबैला नेकपा माओवादी केन्द्रका नेता मातृका यादवको गृहनगरसमेत हो । मेयरमा निर्वाचित कारीराम उनका भाइसमेत हुन् ।
प्रतिक्रिया