धनुषाको सबैला नगरपालिकामा माओवादी विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

धनुषाको सबैला नगरपालिकामा माओवादी विजयी

कान्तिपुर संवाददाता

धनुषा — सबैला नगरपालिकाको मेयरमा नेपाल कम्युनिष्ट पार्टी (माओवादी केन्द्र) उम्मेदवार कारीराम यादव ४ हजार २ सय १२ मत ल्याई विजयी भएका छन् ।

उनले निकटतम् प्रतिद्वन्द्वी नेपाली कांग्रेस उम्मेदवार जगतसुन्‍दर साह मधुपलाई १ हजार ३६ मतान्तरले पराजित गरेका हुन् । पराजित जगत सुन्‍दर साह मधुपले ४ हजार ७६ मत ल्याएका छन् ।

यस्तै, उपमेयरमा नेपाल कम्युनिष्ट पार्टी (माओवादी केन्द्र)की उम्मेदवार रहिमा खातुन ४ हजार ६ सय ९९ मतसहित विजयी भएकी छन् । उनका निकटतम प्रतिद्वन्द्वी नेपाल कम्युनिस्ट पार्टी (एमाले)की उम्मेदवार किरणकुमारी कापरले ३ हजार ६ सय ४ मत ल्याएकी छन् ।

सबैला नेकपा माओवादी केन्द्रका नेता मातृका यादवको गृहनगरसमेत हो । मेयरमा निर्वाचित कारीराम उनका भाइसमेत हुन् ।

प्रकाशित : जेष्ठ ७, २०७९ १३:१५
प्रतिक्रिया
पठाउनुहोस्

सिरहाको मिर्चैयामा माओवादी विजयी

कान्तिपुर संवाददाता

सिराहा — सिरहाको मिर्चैया नगरपालिकामा माओवादी केन्द्रका उम्मेदवार विजयी भएका छन् । मिर्चैयाको मेयरमा माओवादी केन्द्रका उम्मेदवार श्रवणकुमार यादव र उपमेयरमा माओवादीकै उम्मेदवार जिवछी देवी निर्वाचित भएकी हुन् । 

मिर्चैयाको मेयरमा निर्वाचित यादवले ५ हजार २ सय ३३ मत प्राप्त गरेका छन् । उनले निकटतम प्रतिद्वन्द्वी नेपाली कांग्रेसका सीताराम यादवलाई ५ सय २३ मतान्तरले पराजित गरेका हुन् । मेयरमा पराजित कांग्रेसका सीतारामले ४ हजार ७ सय १० मत प्राप्त गरेका थिए ।

त्यस्तै, उपमेयरमा माओवादीकी उम्मेदवार जिवछी देवीले ५ हजार ७० मत ल्याएर निर्वाचित भएकी छन् । उनले निकटतम प्रतिस्पर्धी नेपाली कांग्रेसकी अनिता साहलाई ४४ मतान्तरले पराजित गरेकी हुन् । उपमेयरमा पराजित साहले ५ हजार २६ मत ल्याएकी छन् ।

प्रकाशित : जेष्ठ ७, २०७९ १२:४७
पूरा पढ्नुहोस्
प्रतिक्रिया
पठाउनुहोस्
×